HLAHEI HLA 8:5 - LEKHARABU INTHENG (BSI)

⁵ Nêrdiram a inphut akajōng hi tu mo kae, alungdipa leh ankut leh ankut intu heia akahong heiso? Khava na-intetna hmun a theikhup kung thōia nang kha kamathō che.

HLAHEI HLA 8:5 ပူးပေါင်းရင်းမြစ်များ

THUHMINGHEI INHNINA 32:8

Ama’n mihring ratha anei, tâk-kha eini chu nire katuk sik a Rōngpu ni-Pathen kha ninei.” Mipuihei kha hiva anrengpa ṭong hin mathokna anei jo hei.

HLAHEI 63:8

Nanga kakop tlit eng, khana nakut in ahuksōt eng.

HLAHEI 63:9

That sik a anikarei hei kha kathiram kase sik hei.

HLAHEI HLA 2:3

Ratu thingkâra theikhup thingkung kapōa, pase ralak-hei leh nitekâk inchu kalungdipa kha kachanga kae. Ama daihlim thōia in-ong sik kha kamadu, khana ama kara kha kamantama kathlum hêr.

HLAHEI HLA 3:11

Zion nuhmeihei, Reng Solomon hi hong una hong-en ruh. Aluhông ninga ama inpâkna leh hōina kani ninga, anu’n alu chunga amankhu lukhu kha inkhua kae.

HLAHEI HLA 3:4

Anmani kadahlon limhei leh kalungdipa kha kahmu jo. Ke’n ama kha kakakōtlit a masō mak eng kanu inna kaṭhōi mak hma seng, kei intetna innden shunga khan.

HLAHEI HLA 3:6

Nêrdiram a hmeikhu hlom kapōa akahong hi heimo kae, invei katlo he’n antajōr marim katui, bero leh marim katui hi?

HLAHEI HLA 4:8

Kalômnu, Lebanon Tlâng heia inphut jōng roh kei leh inṭhōi rih. Lebanona inphut kahnenga jōng roh. Amana Tlâng lera inphut jōng ṭum roh, shabakkai leh rûtnu hei omna Senir leh Hermon Tlâng heia inphut.

HLAHEI HLA 6:10

Ahmit en in jîngkâr vâr ra-âng kapōnu hi tu mo kae? Kani leh thla vâr in anta hongsat kapōa ama kha ahme kaṭha khana kavâr.

HLAHEI HLA 8:1

Nang hi kaṭapa nalei chang inchu tia kamandon kanu’n anetui aleiman-in che’nchu kati. Khan chu, nang kha hlamlena ka’ntōpui che’nchu, nakabeng kamajôp sik che khana tûte’num theikada mak hei ning.

ISAIAH 36:6

Egypt in a’nthōpui sik eng tia inngam che, tâk-kha peng khōnghre kapōhrep kae, khavakha katlek sik a kha nakut asun kathi sik. Egypt rengpa hnenga akahlut mi seng kha khanga kati sik.

ISAIAH 40:3

Kare rasa inkhat aka-ông in, Rōngpu hlamlen inkhat ramhânga mantluk ruh! Ni-Pathen sik a nêrdiram a hlam kha mantheng ruh!

ISAIAH 43:19

Ke’n katlosōt sik ṭōnther heia khan ensui roh. Hihei hi kasōkdek jo, tûn nan-en thei sik hei! Ke’n ramhânga hlamlen kasyem sik, khana khan ke’n kavadung tui kapek sik che.

JEREMIAH 2:2

Jerusalema ka-om mi rakip hnenga hiva ṭong hi vaphôngsōtna sik a amanthei eng. “Ke’n kamandonsōt, nakhangdông changlai heituk-hrep a taksenthei aleikachang che mo, niluhông bilai khan chu heituk-hrep a nalungset eng mo; Nêrdiram a, heite kekmakna ram a khan naleijui eng.

HOSEA 12:4

ama’n marvân ngeva inkhat a’nrepuia aleitor. Ama kaṭap a vâng aleider. Khana Bethel a Pathen kahonga nipusōn Jacob a’nhmupuia ahnenga alei inbekpui.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

JOHN 13:23

Asonlehei kâra Jesu talungsetpa inkhat kha Jesu hneng in-onga leika-om.

ROMANHEI 7:4

Khava ângphunga kasōpuihei, nangni’m khanga sik chei kae. Ajârchu nangni Christa taksa bâk kha nanchang jâra, Dân tak a nimandon inchu nangni’m akathi jo chei kae; tûnchu hringkhō hi Pathen sik a pui katluk a hmangna sik thina inphut akathōi sōtpa ta jo chei kha kae.

GALATIANHEI 4:19

Kasa marit hei! Vōi khat nôk, nu inkhat in anai neia ade kapōa nanshunga Christa nunchen a’nsyemsōt mak lai seng khava natna leh a’n-anghrep kha nangni sik a kadea kae.

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

ṬONGPHÔNG 12:6

Khana nuhmeinu kha nêrdiram thōia katlân jo, khava hmun a khan kani 1,260 Pathen in amanu kaṭha man omna sik aleimantluk pek a kae.