HLAHEI HLA 4:6 - LEKHARABU INTHENG (BSI)

⁶ Bero hmebung chunga kei ka-om sik eng, khava marim katui hmebunga khan, jîngkâra thli kadai ajōnghrâng mak kârseng, khana a’nthim kha a’nhmangmak kârseng.

HLAHEI HLA 4:6 ပူးပေါင်းရင်းမြစ်များ

HLAHEI 66:15

Namaichâm chunga ro mankhut sik kemōng kapek sik; sehratche leh kechehei katōksōt sik hei, khava hmeikhu khan bōirōk chungting hong kake sik.

SŌKSŌT 20:24

Ralei vânga maichâm inkhat kei sik a syem ruh, khava chunga kemōng leh sehrat ro manvâm sik leh inlôikhômna tōk sik hei kha ro-inthoina nei hei ruh. Nangni’n kei nankamukna sik enga kaṭhensōt jo ahmun rakip a khan, kei nanhnenga kahong sik eng khana mahâmṭhat kapek sik chei

SŌKSŌT 30:8

Khang’khan khōhleia thaihmei adet phale’m atlo nger sik kae. Hiva marim katui ro-inthoina hi injônjet a bânglo jena atlo sik kae.

SŌKSŌT 37:29

Ama’n inthenga kano sik thai leh ro mankhutna hei kha marim katui kapōhrep a amanhei heia asyemsa hei.

HLAHEI HLA 2:17

jîngkâr thli kadai in aheisem mak kârseng, jân inthim in asesōt mak hma seng. Hong inle roh, kalungdipa, shangai-che kapōa Bether tlângbung heia kazukche kapōa.

HLAHEI HLA 3:6

Nêrdiram a hmeikhu hlom kapōa akahong hi heimo kae, invei katlo he’n antajōr marim katui, bero leh marim katui hi?

HLAHEI HLA 4:14

ṭhingṭhe, thinghnai, aithîng, khana marim katui rakip invât mak. Khana khan marim kahōipen rakip bero leh marim kanei thingbō kakek hei.

HLAHEI HLA 8:14

Shakhiche kapōa, kalungdipa, kahnenga hong roh marim kahōi thing leh rō kekna tlâng chunga kazuk tere kapōa jōng roh.

ISAIAH 2:2

Akahong sik kani heia Bek-inn ngirna tlângbung kha tlâng rakip kâra a’nshângpen hongkachang sik, hmebung rakip amakhupet sik hei. Jât katamtak kahong inhlut sik hei,

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

LUKE 1:78

Ni-Pathen hi lungset kasip leh malung innem kae. Ama’n eini chunga hukmanhringna khō ajōng manvâr sik

PETER INHNINA 1:19

Khava jâra sânkathemhei ṭong leihri manthangle kha eini sik kakhe chet a taksenna ka-om jo. Nangni hinahin nanmalung hlutna sik kaṭhadet nantatlo sik kae, ajârchu khōvârmak kârseng leh nanmalung shunga jîngkâr vârpa avâr mak kârseng khō inthim hmun a thaihmei tasat manvâr kapō kha hivahi kae.

JOHN INKHATNA 2:8

Achang ravâng, tuna kaheimazet chei ṭongpek hichu ather kae, ajârchu hiva dikna hi Christa leh nangni shunga inhmua kae. Ajârchu khō inthim kha kathlengsō jo, vâr kadik kha hong kavâr joa kae.

ṬONGPHÔNG 22:16

“Jesu, Ke’n, hivahei hi bekrup shunga nangnihei hnenga akahri inthang sik a kangeva kajōngtir jo kae. Kei David innshunga asōn eng kae; akavâr jîngkâr vârpa eng kae.”

ṬONGPHÔNG 5:8

Khanga ama’n avalo pha, ranhring 4 leh upa 24 hei kha kemōngte hma inkun heia kae. Anmani’n serângdâr inkhat et leh Pathen mihei derna marim katui kasip sana thlengkam kha anchoia kae.