HLAHEI HLA 1:9 - LEKHARABU INTHENG (BSI)

⁹ Pharaoh Shakor gâri heia, shakor rala he’n ache hei malung antamathok kapōa; Kalungdinu nang inum, pasehei malung namathok pek hei.

HLAHEI HLA 1:9 ပူးပေါင်းရင်းမြစ်များ

A’NPHUTNA 50:9

Ama leh inṭhōia shakor gâri leh shakor kachōng he’m ama leh kase hei; khavakha mi katamtak rup-hei kae.

RENGHEI INKHATNA 10:28

Rengpa sōk he’n Musri leh Cilicia, inphut shakor ram hlop a antamasōsōṭ hi an-ensui heia kae.

HLAHEI HLA 1:15

Kalungdinu, heituk a nahme akaṭha che mo! nahmit-hei kha heituk a lungset kakaia akavâr hei mo!

HLAHEI HLA 2:10

Kalungdipa’n kahnenga ṭong ahei hri. Khan chu kalungdinu, kahnenga hong jo roh; kalungsetnu, kei leh omsap rih hong jo roh.

HLAHEI HLA 2:13

Theipōng he’n hmin anheiphut jo hei; vomhrui theipâr in thli marim kha amanhōi jo. Khan chu hong roh, kalungdinu; kalungsetnu, kei leh omsap rih hong jo roh.

HLAHEI HLA 2:2

Rahling kâra lily pâr kapōa, nuhmeihei kâra kalungdinu kha kachanga kae.

HLAHEI HLA 4:1

Kalungdinu, heituk a akaṭha che mo! Nahmai makhuna pōn thōia nahmit-hei kha heituk a akade hei mo. Gilead hmebung ajōng kaṭumsuk ke rup-hei kapōzek a nasam kha invor nenga kalâm.

HLAHEI HLA 4:7

Kalungdinu, heituk a akaṭha che mo; heituk a pui akatluk jo che mo!

HLAHEI HLA 5:2

Kaje kâr a’m kamalung chu kahar. Kalungdi khan karahmanga kot ahei raki. Kalômnu, heihlut rong, kalungdinu, kei vaṭhupui. Radaitui in kalu kachor jo, khana sumphai in kasam kha amannêm jo.

HLAHEI HLA 6:4

Kalungsetnu, Jerusalem kapōhrep a nahme kaṭha Tirza khōpui kapōa lungset kakai che, hiva khōpui kalenhei nihmu hei kapōa kaphuk insamna kachang che.

ISAIAH 31:1

Egypt a inṭangpuina kader sik a akase hei kha inhmang jo hei! Anmani’n Egypt ratha kanei remi katamtak chunga inngam heia kae — shakorhei , shakor gârihei leh remihei chunga. Tâk-kha Israel Pathen intheng Rōngpu hneng semak hei, inthōpuina sik ahnenga dermak hei.