HLAHEI HLA 1:8 - LEKHARABU INTHENG (BSI)

⁸ Nuhmeihei talungset pen hmun kha lamanhret mak che mo? Se roh kemōng rup kha jui hei roh; kemōng kakhemhei pōn-inn hnenga khan nakehei phi sâkna sik hmun vajong roh.

HLAHEI HLA 1:8 ပူးပေါင်းရင်းမြစ်များ

HLAHEI 16:3

Rōngpu’n ataksen mihei kha heituk-hrep a akaṭha jo hei mo! Kei hōinapen khachu anmani leh inthlop sik hi kae.

HLAHEI 45:11

Nahmeṭhat kha rengpa’n maduna anei sik che; ama kha nakapu kae, aṭong narangei nger sik kae.

HLAHEI 45:13

Reng-innpuia reng sanu ka-om, heituk a ahme akaṭha jo mo! Aretpōn hei kha sana hrui vâng rōk a insyem.

ṬONGCHÎK-HEI 8:34

Ka-inn hlutna kot hnenga ani tina aka-om ṭhak hei; ka-inn hlutna hnenga ani kahngâk ṭhak hei, kaṭong inngei mihei kha inpâkna anchen sik.

HLAHEI HLA 1:15

Kalungdinu, heituk a nahme akaṭha che mo! nahmit-hei kha heituk a lungset kakaia akavâr hei mo!

HLAHEI HLA 2:10

Kalungdipa’n kahnenga ṭong ahei hri. Khan chu kalungdinu, kahnenga hong jo roh; kalungsetnu, kei leh omsap rih hong jo roh.

HLAHEI HLA 4:1

Kalungdinu, heituk a akaṭha che mo! Nahmai makhuna pōn thōia nahmit-hei kha heituk a akade hei mo. Gilead hmebung ajōng kaṭumsuk ke rup-hei kapōzek a nasam kha invor nenga kalâm.

HLAHEI HLA 4:10

Nalungsetna eng khan amanhōi eng, kalungdinu leh kalômnu. Nalungsetna kha ju kanek a kaṭhachet, nang marim kha maru-marâng rakip kanek a kahōi jôk.

HLAHEI HLA 4:7

Kalungdinu, heituk a akaṭha che mo; heituk a pui akatluk jo che mo!

HLAHEI HLA 5:9

Nuhmeihei kâra akaṭhapennu, nalungdipa kha milak-hei kanek a ahlopdet mo kae? Keini’n nahnenga kan-intepna sik nalungdipa kha a’nlak hêr mo kae?

HLAHEI HLA 6:1

Nuhmeihei kâra hme kaṭhapennu nalungdipa kha khon mo akase jo? Keini’n kajongsōt puina sik che, nalungdipa kha khonting mo akase jo amanthei ung roh.

JEREMIAH 6:16

Rōngpu’n amihei hneng ahri, “Hlam inbâkna hmun a ngir una enruh. Hlam kaṭhapen, hlam marō kha inder ruh. Khana khan se ruh, nangni kamōnga ka-om sik chei.” Tâk-kha anmani’n anhri, “Dâng, keini semak ning.”

JOHN 21:15

Anmani’n ansâksō pha, Jesu’n Simon Peter hneng, “John sapa Simon, hihei lungsetna eng kanek a nang in nalungset chet eng mo?” ati. Ama’n amasôn, “Ôk, Rōngpu, kamalungset che nang in namanhret.” Jesu’n ahnenga, “Kakemōngtehei hrung hei roh,” ati.

CORINTHIANHEI INKHATNA 11:1

Ke’n Christa omchen kamanchu kapōa, nangni’n kei omchen manchu ruh.

EPHESIANHEI 5:27

ahmai kunga bekrup kha ahme ṭhatna rakip leh, a’nthengseng, innimna kase, intônna bi kase leh a’nvōi mak, pui katlukmak ti omlo kha tōksōt theina sik ama’n atloa kae.

HEBREWHEI 13:7

Pathen ṭong nanhnenga nankahri pek, hlamkakei marō hei kha mandonsōt hei ruh. Anmani heikhonga aleikahring heia aleikathi hei mo ti kha mandonsōt hei una, anmani taksenna kha inchu ruh.

HEBREWHEI 6:12

Keini’n nanratha akase sik madu mak ung, tâk akataksen leh akadehrat hei, Pathen ṭongtepna kachen hei kha aka-ang sik chei kanmadu.

JAMES 2:21

Nipu Abraham kha heikhong mo Pathen leh kadiksap a aleika-om? Ama’n asapa Isaac kha maichâm chunga atōksōt pha, aṭōn tlona vânga kae.

JAMES 2:25

Rahab notinu kha’m kha leh a’n-anghrep kae. Ama’n Jehudi rirûk a ramkathlir hei kha aleiralam heia hlam hlopting antlânsōtna sik ale’nthōpui hei, khava aṭōn jâra khan amanu kha Pathen leh mandik sapna achen kae.

JAMES 5:10

Sōpuihei, Rōngpu rahminga ṭongkahri sânkathemhei kha mandon hei ruh. Anmani kha dehrat leh thōk-hratna tekâk a lo hei ruh.

PETER INKHATNA 3:6

Sarah kha khava kapō kae; Abraham ṭong ajuia, ka-rōngpu aleitia kae. Tûnhin nangni’n heite ṭit lo jen a akaṭha kha nantloa achang inchu, ama sanu jo chei kae.