HLAHEI 98:3 - LEKHARABU INTHENG (BSI)

³ Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

HLAHEI 98:3 ပူးပေါင်းရင်းမြစ်များ

HLAHEI 106:45

Anmani jâra khan aṭongtep kha ahong mandonsōt, khana alungset len jâra anchunga amalung athleng nôk.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 67:7

Pathen khan vâng apek jo me; hmuntina mi rakip in ama kha kaja hei rasoh.

HLAHEI 98:2

Rōngpu’n atorna kha aphôngsōt; phung leh jât mihei hneng ahuk sōtna rathahrat kha amanthei hei.

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

ISAIAH 52:7

Ṭongphông karôn inkhat tlâng ahei rakan a kahong, ṭong kaṭha, mōngna ṭongphông ahei rôn ama hmu sik kha heituk a a’nlak jo mo! Ama’n retorna aphônga Zion hneng ahri, “Na-Pathen kha reng kae.”

LEVI-DÂN 26:42

Jacob, Isaac, Abraham leh ka’ntepna kha kamandonsōt sik, khana kamihei ram pekna sik a kei intepna kha kamanther nôk sik.

MICAH 7:20

Tenlaia kanpu kanpahei hneng naṭong leitepna kapōa, Abraham leh Jacob sōn leh pârhei, namihei hneng nalungsetna injônjet leh taksenthei nachangna kha namalârpek sik jo hei.

LUKE 1:72

Ama’n nipu-nipa sōnhei hneng maritna amanhmu sik, khana aṭongtep intheng kha amandonsōt sik aleiti.

LUKE 3:6

Jât rakip in Pathen hukmanhringna antahmu sik kae!’”

ṬŌNTLOHEI 13:47

Ajârchu hivahi Rōngpu tapek ung ṭongpek kha kae: ‘Vânhnōi pumpui huksōt achangna sik, Jât-hlop hei sik vâr inkhat a kasyem jo che kae.’”

ṬŌNTLOHEI 28:28

Khana Paul in ṭongchaina aneia: “Nangni’n tuna nantamanhret sik khachu, Pathen huk manhringna ṭong hi Jât-hlop hei hneng intirsōt jo. Anmani’n chu anrangei sik!”

ROMANHEI 10:12

Hinahin mi rakip invei jo, ajârchu Jehudi leh Jât-hlop inkhetna heite om mak. Pathen chu mi rakip Rōngpu inkhat rōk kha kae khana akabek rakip hneng katluk a vâng apek hei.

ROMANHEI 10:18

Tâk-kha ke’n kader: ṭong hi antathei mak mo kae? Anmani’n antheikhet jo ajârchu Ṭong intheng in ahri: “Anṭonghri karesō raleichung pumpuia kase sō jo; anṭong rahme raleichung inchaina katlung sō jo.”

DÂNRABU INHNINA 4:31

Ama chu maritna kasip Pathen kae. Ama’n masō mak chei ning khana suk manhmang mak chei ning, khana nanpu-nanpahei leh ṭong anlei intepna kha ama’n mahngi mak ning.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.