HLAHEI 96:8 - LEKHARABU INTHENG (BSI)

⁸ Rōngpu rahming kalûr kha choi ka-ân ruh! kutchoi heirôn una a Bek-inna hong ruh.

HLAHEI 96:8 ပူးပေါင်းရင်းမြစ်များ

HLAHEI 100:4

Abek-inn kot a inpâkna leh inṭhōia hlut ruh! aṭong tanna hmun heia khan choi ka-ân leh inṭhōia hlut ruh. Ama hneng manpâk ruh khana ama choi ka-ân ruh.

HLAHEI 111:9

Ama’n amihei amasōsōt hei khana kumleikōa intepna aneipui hei. A’ntheng leh akahrat hi ama kae!

HLAHEI 29:2

Rōngpu rahming kalûr kha choi ka-ân ruh; A’ntheng Inkhatpa kha ahon’lâr pha leh ahmai kunga inkun ruh.

HLAHEI 45:12

Tyre mihe’n kutchoi heipek sik chea anheirôn sik; mikanei he’n ôtum chentheina sik a anjōngtlo sik.

HLAHEI 72:10

Spain ram leh tuikekâk a renghei khan kutchoi anhongpek sik, Sheba leh Seba reng he’n kutchoi anhongpek sik.

EZEKIEL 46:3

Châmhngat kani leh Thlather Revei rakip a mi rakip um kot hma hin a’nkun heia Rōngpu antakamuk sik kae.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

ROMANHEI 12:1

Khava jâra kasōpuihei, Pathen maritna me alen jâra ke’n nanhnenga hivahi kangek chei kae. Pathen malung tlaina leh aṭōn tlona khan inthenga inpek sōtna sik, nangni Pathen hneng hringpuma intōksōt ruh. Hivahi nantatōk sik kamukna kadiktak kha kae.

ROMANHEI 15:16

kei Jât-hlop hei kâra Jesu Christa sōk inkhat kachang jâra kae. Jât-hlop hei kha Rathla Intheng in atōksōt Pathen tarahlâng inkhat anchangna sik, ke’n Pathena inphut ṭong kaṭha kha thempu inkhat kapōa kahrilea karazen kae.

PHILIPPIANHEI 2:17

Nangni’n Pathen hneng taksenna vâng nantatōksōt inthoina kapōa kahringna thisen hi akalōng sik a inhui. Kha achang inchu, kei inpâk eng khana nangni seng hneng ka’npâkna hi kasem pek chei kae.

PHILIPPIANHEI 4:18

Khava jâra, hivahin nankutchoi pek eng rahlângna lekha kha ka-om, ahmangna sik kakhea katam jo! Tûn Epaphroditus in nankutchoi rakip ahei rôn pek enga madu rangei rakip kachen jo! Hihei hi Pathen hnenga a’ntōksōt arahlângthei inthoina marim katui kapō hei kha kae.

HEBREWHEI 13:13

Khava jâra ama inzakna kachenpui sik a ahnenga kurvâng langting vase rih.

PETER INKHATNA 2:5

Hlung kahringhei kapōa hong ruh, rathla bek-inn insakna khan inhmang ruh, khana khan thempu intheng kapōa Jesu Christa jâra Pathen hneng rathla a leh hnōmpek thei inthoina ṭōn razenna kha nantlo sik.

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”