HLAHEI 96:4 - LEKHARABU INTHENG (BSI)

⁴ Rōngpu chu kalen, inshângpena choi ka-ân sik kae; ama hi Pathen rakip hei nek a kaja sik kae.

HLAHEI 96:4 ပူးပေါင်းရင်းမြစ်များ

THUHMINGHEI INHNINA 2:4

Ke’n Rōngpu ka-Pathen kajana bek-inn inkhat kasak a kae. Hivahi hmun intheng, kei leh kamipui he’n marim katui maru-marâng rona, buhlom intheng injônjet a tōkna, jîngkâr khōhleia ro-inthoina tōkna kha leh inṭhōia Châmhngat kani, Thlather reveihei leh Rōngpu kan-Pathen kajana kani intheng ralak ninga inthoina hmun akachang sik kae. Ama’n hivahi ahei tik a antlo thakna sik Israel hneng ṭong apek kae.

NEHEMIAH 9:5

Athōia Levihei hin Pathen kamukna sik a bekna anleinei hei: Jeshua, Kadmiel, Bani, Hashabneia, Sherebiah, Hodiah, Shebaniah khana Pethahiah hei seng. Anmani’n anti: “Ngir una Rōngpu nan-Pathen kha manpâk ruh; Ahei tik a, ahei tik chenna ama kha manpâk ruh! Mihring manpâkna hi pui atluk mak innum mi rakip in ama rahming kalûr kha manpâk hei rasoh.”

HLAHEI 145:3

Rōngpu chu kalen khana inshângpena choi ka-ân sik kae; alendân hi mihring tamanhret tor emak.

HLAHEI 150:2

Ṭōn inhnaktak aleitlo jâra ama kha choi ka-ân ruh. Alenna chunghnung kha choi ka-ân ruh.

HLAHEI 18:3

Ke’n Rōngpu kha kabek, khana ka’nrepui heia inphut ahuk eng, Rōngpu kha manpâk ruh!

HLAHEI 48:1

Ni-Pathen khōpui kalen, atlâng intheng chunga khan, Rōngpu kha kalen khana inshângtak a choi manshâng sik kae.

HLAHEI 66:3

Pathen hneng hri ruh, “Naṭōn tlohei hi heituk-hrep a a’nlak mo! Naratha hi hingtuk hrep kahrat ti chu nakadōihei kha nahmai kunga ṭittak a inkun hei.

HLAHEI 66:5

Hong ruh va-en ruh, Pathen in heimo atlo, mihring sik aṭōntlo inlak-hei hi.

HLAHEI 76:7

Tâk-kha, Rōngpu, nang chu mi rakip in anṭit che. Nahnuk anat pha nahmai kunga tûte ngir tor mak.

HLAHEI 86:10

Nang chu kahrat che khana ṭōn inlak-hei natlosōt; nang rōk Pathen che kae.

HLAHEI 89:7

Mi intheng hei intûpna khan nang ankaja che; khana nang kajana ankhenga inding hei.

HLAHEI 95:3

Ajârchu Rōngpu hi ratha kanei Pathen kae, Pathen rakip hei chunga akahratpen reng kae.

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

JEREMIAH 5:22

Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

DANIEL 2:47

Rengpa’n ahri, “Nang Pathen kha pathenhei kâra akalenpen kae, renghei kâra Rōngpu kae khana a’n-ip kahrisōt kha kae. Nang in a’n-ip hi nahrisōt tor jâra ke’n kamanhret jo.”

LUKE 12:5

Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”

SAMUEL INKHATNA 4:8

Khava ratha kanei pathen heia inphut tu’n mo ahuk tor sik me? Nêrdiram a Egypt hei kathat pathenhei kha anmani kha kae!