HLAHEI 96:3 - LEKHARABU INTHENG (BSI)

³ Alûrna kha phung leh jât-hei kâra hrimanthang ruh, aratha neina ṭōnhei kha mi rakip hneng phôngsōt ruh.

HLAHEI 96:3 ပူးပေါင်းရင်းမြစ်များ

HLAHEI 150:2

Ṭōn inhnaktak aleitlo jâra ama kha choi ka-ân ruh. Alenna chunghnung kha choi ka-ân ruh.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 57:9

Jât-hei kâra kamanpâk sik che, O Rōngpu, mipuihei kâra kachoi ka-ân sik che!

HLAHEI 9:2

Nang jâra ke’n inpâktak a hla kasak sik, Chunghnung Pathen, nang manpâkna hla kasak sik!

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

MICAH 4:2

khana anmi he’n anti sik, “Israelhei Pathen Bek-inna, Rōngpu tlâng chunga vaketou rih. Ama’n amantlo hnōm me kha amanthei sik me; ama’n akadeisōt hlam a khan kase sik me. Ajârchu Rōngpu mantheina kha Jerusalema inphut kajōng, Ziona inphut amihei hneng ṭong ahri.”

ZECHARIAH 9:10

Rōngpu’n ahri, “Israel heia inphut re shakor gâri kha kalosōt sik jo khana Jerusalema inphut Shakor kalosōt sik jo; re tlona saihei kasuk manhmang sik jo. Narengpa khan jât-hei kâra intōk inchamna ajōng rôn sik jo; ama’n tuipui inkhat a inphut inkhat a vai arôn sik, Ephrath tuidunga inphut raleichung inchaina katlung.”

MATTHEW 28:19

Nangni mi rakip hnenga, hmun rakip a se ruh, kasonle vasyem hei ruh: Apa, Asa, Rathla Intheng rahminga tui manhlut hei ruh,

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.