HLAHEI 96:13 - LEKHARABU INTHENG (BSI)

¹³ raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

HLAHEI 96:13 ပူးပေါင်းရင်းမြစ်များ

HLAHEI 50:3

Ni-Pathen kha kajōng jo, tâk sip katia jōngmak ning; hmeimale kha ahmating injôk, thlihrâng inhnak khan akatōm.

HLAHEI 67:4

Jât-hei inpâk hei sona hōina hla sak hei rasoh, ajârchu nang in mihei kha kadik a ṭong natanpek hei, khana raleia jât rakip hei kha hlam nakei hei.

HLAHEI 7:9

Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

HLAHEI 96:10

Jât rakip hneng hri ruh, “Rōngpu hi reng kae! Ralei hi hmun kahnettak a ada, inhlingtor mak ning; ama’n mipui chunga kadiktak a ṭong atan sik.”

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

THESSALONIANHEI INHNINA 1:10

khava ama’n amihei senga inphut lûrna leh akataksenhei senga inphut kajana achenna sik a ajōngna Kani ning akasōk sik kae. Nangni um ankâra invei sik chei, ajârchu kantamanthei chei ṭong kha nantaksena kae.

TIMOTHY INHNINA 4:8

Khana tûnchu Pathen leh mandik sapna torna tloman khan ahngâk ṭhak jo eng kae, khava Kani ning khan ṭongtan kadikpa Rōngpu khan apek sik eng, khavakha kei hneng rōk changmak, tâk ama ahon’lâr sik lungset a akahngâk rakip hei hneng um kae.

TITUS 2:13

khanga nikahuk inhringpa Jesu Christa leh akalen Pathen lûrna kha ajō’nlârna pha, vângṭhatna kania ni’nhōrna kha nihngâk a nileiom shung seng sik amanse me kae.

ṬONGPHÔNG 11:18

Jât-hlop hei anhnuk kanasō jo, ajârchu nahnuk natna sik pha kha jōng katlung jo, akathihei ṭong tanna sik pha jōng katlung jo. Nang kaṭit mihei akasin akalen ankhenga, nasōk-hei, sânkathemhei, khana nami rakip tloman pekna sik pha kha jōng katlung jo. Raleichung kasukset hei kha suksetna sik pha jo kae!”

ṬONGPHÔNG 19:11

Khava sōa marvân inhlânga, shakor kabang inkhat aka-om ke’n kahmu. Achunga kachōngpa kha Akadik leh Taksenthei inti; Ama’n akadik vâng ṭong atana, are kha atuk a kae.

ṬONGPHÔNG 22:10

Ama’n kahnenga ati, “Hiva sânkathem lekha ṭonghei hi ip mak roh ajârchu hiva rakip hi ajōng sōkna sik pha kahnai jo.