HLAHEI 91:3 - LEKHARABU INTHENG (BSI)

³ Ama’n a’nthup inrengna rakip a inphut leh thinathei hri leh rai heia inphut ahuksōt sik che.

HLAHEI 91:3 ပူးပေါင်းရင်းမြစ်များ

SAMUEL INHNINA 24:15

Khava jâra Rōngpu’n jîngkâra inphut akani tepna kârseng Israelhei chunga hrise katlung jo. Ram shung rakir inkhat a inphut lang khat ting katlunga Israelhei 70,000 kathi jo hei.

RENGHEI INKHATNA 8:37

“Ram shunga hin vonṭâm atlâk a, natse atlâk a, thli kalum in sâng leh be akâng manchâra, khâikhu rup he’n ansâk manhmanga, namipuihei an-inrepui he’n anbuhlu heia, khana hrise atlâk a, ankâra natna achōr jo pha,

HLAHEI 124:7

Va kasurpa chânga inphut va akajōngsōt kapōa katlânsōt me, châng kha inset jo, khana eini masō kachang jo me.

HLAHEI 141:9

Ṭōnse katlohei chânga inphut, khana kei surna sik antakam chânga inphut eihuksōt roh.

HLAHEI 68:21

Pathen in a’nrepuihei, setna hlam a akase ṭhak hei, anlu kha avōkkhōi nger sik hei.

HLAHEI 91:6

a-emak leh khō inthima nat kaṭhamak tatôn sik che, a-emak leh sûna ṭhatmak tathat sik che kha ṭit sik rangei mak.

ṬONGCHÎK-HEI 6:5

Chânga inphut va kapōa jōngsōt roh, a-emak leh shachâng kase heia inphut shakhi kapōa tlânsōt roh.

ṬONGCHÎK-HEI 7:23

Amalung the vâng antakâpkhōi jo kapōa. Va in châng kamna ting ajōn kapōa, amapa khan ahringkhō inhmang sik kha leimanhret mak.

MI INTHEIPA 9:12

Nang pha kha heitik ajōng katlung sik manhret hêrmak che. Manhret manloa châng in vate asur kapō, lenchâng in nga asur kapōa eini’n nimandon mak phatak a ṭhatmak pha khan asur ri mea kae.

HOSEA 9:8

Pathen in ami Israelhei gîkna sik a kei ajōngtir eng kae. Kha’num kasena chen a, kei hi va kapōa man-ôk sik a châng nankam. Pathen Bek-inn shunga kapha mihei kha sânkathem indōipui kachang hei.

AMOS 3:5

Athlai nidapek mak inchu vate kha chânga a’n-ôk sik mo? Amakhapna nisyem mak inchu châng kha akakap sik mo?

TIMOTHY INKHATNA 6:9

Tâk-kha nei leh hao indu mihei kha mathlemna katla hei khana mona katamtak leh inhmangna madu rangeina châng shunga in-ôk hei, khava khan insuksetna leh inhmangna ting akei mathlûk hei.

TIMOTHY INHNINA 2:26

Khan chu Diabol in asur heia aṭong amanjui jo hei khan manhret theina kha anheinei sik khana achâng kam a inphut heikasōksōt sik jo hei.