HLAHEI 90:2 - LEKHARABU INTHENG (BSI)

² Hmebunghei naleisyem mak hma, vânhnōi ralei aleiom mak hma, nang chu ahei tik a Pathen che kae, khana kumleikōa Pathen kachang ṭhak sik che.

HLAHEI 90:2 ပူးပေါင်းရင်းမြစ်များ

A’NPHUTNA 1:1

A’nphutbia Pathen in marvânhei leh ralei asyem pha a khan,

JOB LEKHARABU 15:7

Nang hi ahma inkeipena a’nte eng kae tia a’ndon che mo? Pathen in tlângbunghei asyem lai khan nang aleika-om jo che mo?

JOB LEKHARABU 36:26

Eini’n ama lenna hi pui katluk a achangmak leh akum aja kha manhret tor mak me.

HLAHEI 102:13

Nang hong kathōisōt sik chea kha Zion kha lungset a narôn sik; amanu lungsetna sik pha kha hong katlung jo; hivahi aphatak jo kae.

HLAHEI 103:17

Tâk-kha Rōngpu kajana kaneihei chunga alungsetna kha ahei tik a ka-om ṭhak, khana aṭhatna khan akhang rakip a ajui ṭhak

HLAHEI 146:6

marvân, ralei leh tui-ôngpui, khana ashunga ka-om rakip kasyempa hneng, a’nngai hei kha mikahōihei kae. Ama chu aṭongtep kha ajui ṭhak a kae;

HLAHEI 33:9

Ama ahei ṭongsōt pha, vânhnōi hi a’nsyem kae; ama ṭongpek a heirakip ahon’lâr hei kae.

HLAHEI 93:2

A’nphutbia inphut nalen in-ongna kha kahnet a hong ka-om jo, O Rōngpu, nang chu pha ale’nphut mak hma aleika-omsa jo che kae.

SŌKSŌT 8:6

Khang’khan Aaron in tui rakip chunga akhōnghre ahei kalâng jo, uṭok hong kasōk heia Egypt ram kha anhlōsō jo.

ISAIAH 44:6

Israel vaikarôn leh akahrung Rōngpu’n, Chunghnung Rōngpu’n hinga ahri: “Kei ahma inkei leh a’nchaina, Pathen inkhat rōk eng kha kae; kei teilo Pathen ralak om mak.

ISAIAH 45:22

“Tûn kahnenga he’nle una inhuksōt ruh, raleichung pumpuia mi rakip hei! Hinahin Pathen inkhat rōk kha kei eng kae.

ISAIAH 57:15

“Kei a’nshâng leh a’ntheng Pathen, ahei tik a akahring ṭhak eng kha kae. Kei a’nshâng leh a’ntheng hmun a ka-om eng, tâk a’nsir hei leh a’nsinsak hei, anmani taksenna leh inhōrna kha mannei nôkna sik a, mihe’m ka-omsap pui hei.

DANIEL 7:9

Ke’n ka-enlai, reng in-ongna hei ahmun et a anda hei. Khava reng in-ongna inkhat a khan ahei tik a akahring ṭhak inkhat kha in-onga kae. Apōnsihei kavur kapōa kachek hei khana asam in sahme intheng ka-anga kae. Alen in-ongna kha hmei kasûk gâri chunga, hmeimale kapōa kasûk a kae,

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

HABAKKUK 1:12

Rōngpu, anphutbia inphut nang chu Pathen che kae. Nang a’ntheng leh kumsôt a ka-Pathen che kae. Rōngpu ka-Pathen kakahrungpa, nang in Babylonhei kha nakadei hei khana keini karâktorna sik a ratha napek hei.

HEBREWHEI 13:8

Jesu Christa khachu jâning, tuning, khana ahei tik a angangai kae.

ṬONGPHÔNG 1:8

Aka-om, aleika-om, alakahong sik Akahratpen Rōngpu Pathen khan, “Kei aphutna leh achaina eng kae,” ati.