HLAHEI 90:10 - LEKHARABU INTHENG (BSI)

¹⁰ Hringkhō kantanei seng hi kum 70 kae, kandam leh chu kum 80 kahring ung, kha’num hringkhō shunga khōdengthei leh inrengna rōk kanthōk; hringkhō hi inrangtak a kathleng, khana keini’m khanga inchai ri ung.

HLAHEI 90:10 ပူးပေါင်းရင်းမြစ်များ

A’NPHUTNA 47:9

Jacob in, “Kei khōhme hringkhō hi kum 130 katluk jo. Khava kumhei kha kapa-kapuhei khōhme hringkhō kaseihei kha leh in-ang loa, katôi khana kei hringkhō hi intak eng,” ati.

A’NPHUTNA 6:3

Hiva pha hin Rōngpu’n, “Ke’n mihring hi kumsôt akahring sik a hnōmpek mak jo ning. Ajârchu mihring hichu akathithei hei kae. Tûna inphut kum 120 rōk akahring sik jo hei kae,” ati.

SAMUEL INHNINA 19:35

Kei kum 80 kae dek jo eng, heite’n ningṭhatna apektor mak jo. Kasâk ka-in um akatui akathai manhret tor mak jo eng, khana hlakasak hei rasa he’m theimak jo eng. Reng Kalûr phur hrikna hrep kachang sik jo eng.

SAMUEL INHNINA 19:36

Khang khava tloman kalen kha kei rahōi sōk mak. Khava jâra Jordan rea bongkhat ka’nṭhōipui sik che.

RENGHEI INKHATNA 1:1

Tûnchu Reng David upa kachang hêr jo, asōk he’n pōn insâ anmansi ravânga atak lumtor mak jo.

JOB LEKHARABU 14:10

Tâk-kha mihringhei chu kathi hei khana khavakha an-inchaina kachang jo; anmani kathihei, khana khava sōa khon mo aka-om jo hei?

JOB LEKHARABU 20:8

Anmani rahmang kapōa leh jân hmangtalâr kapōa inhmang sik hei, khana avea inhmu mak hei ning.

JOB LEKHARABU 24:24

Pha chomkhat sik a mikaṭhamak-hei kakhangsōt hei, tâk-kha phi kapōa chomkhat sōa invōi hei, a’n-âttan jo savui ka-ang hei.

JOB LEKHARABU 5:7

Changphung mak! Mihring he’n anbibinga anta heirônsōt kae, hmeia inphut hmeidi ahei jōngsōt kapō kha kae.

HLAHEI 78:39

Anmani hi thli ahrângsōa a’nhmangbât kapōa akathi inhmangthei mihei kae ti amandonsōt hei.

ISAIAH 38:12

Kahringkhō kha tuktanna le’nchai jo, Pōn-inn inkhat a’nṭhōt sōt kapōa, pōnkhông a’nchaia âttan jo kapōa Ke’n kamandon, Pathen in kahringkhō Amanchai jo kae.

LUKE 12:20

Tâk-kha Pathen in ahnenga, ‘Eh mikamo! Tûnjân tak nahringkhō a’nchai sik jo kae, nabinga sik naleimanbuk neinâk seng hi hnunga tuta sik jo mo?’ ati.”

DÂNRABU INHNINA 34:7

Moses kha athi pha akum 120 katluk jo; angaia kapōa aratha kahrat hi, ahmit hmu lakaṭha hêra kae.

JAMES 4:14

Jîng kania nanhringkhō kha hei-achang sik nangni’n manhret mak chei! Nangni chu pha bongkhat rōk a’nhmua a’nhmangloi hmeikhu bobkhat kapōhrep chei kae.

JOSHUA 14:11

Moses’n aleitirsōt lai eng kapōa khan tuning um lakahrat eng. Re tlona leh heikhat tlona sik a ratha kalaneiṭhak.