HLAHEI 9:12 - LEKHARABU INTHENG (BSI)

¹² Pathen in inreng khōdeng kathei kha amandonsōt hei; anṭana kha mahngi mak, khana anchunga dikmak katlohei kha karâkna apek hei.

HLAHEI 9:12 ပူးပေါင်းရင်းမြစ်များ

A’NPHUTNA 9:5

Tu mo inkhat in mi athat inchu, ama kha karâkna pek sik kae. Khana tu ran mo inkhat in mihring athat inchu khavakha thina karâkna pek sik kae.

RENGHEI INHNINA 24:4

kakhôk pena ama’n ṭhenakase mi aleithat hei seng jâra kae. Khava sik a Rōngpu’n Manasseh kha rangei mandam tor mak a kae.

HLAHEI 10:14

Tâk-kha bōina leh khōdeng theina kha nang in nachîk a nahmu, khana inthōpuina sik ahei tik a intluk ṭhak che. Inthōpui kasehei khan nahnenga ho’npek inhlut hei; inthōpui inngei hei kha ahei tik a nabôm hei.

HLAHEI 10:17

O Rōngpu, a’nsinsak hei derna nathei pek sik hei; nang in anmani vak neina napek sik hei.

HLAHEI 102:17

Ama’n adahlon mipuihei karesō athei pek sik hei. khana anderna kha arangei pek sik hei.

HLAHEI 132:13

Rōngpu’n Zion kha akadeisōt jo; ama’n khavakha a-inn amanchang hnōm:

HLAHEI 22:24

Ama’n misarahei donmak tlomak, a-emak leh an-inrengna heisakmak tlomak; anmania inphut sesōt mak, tâk inthōpuina sik anbek pha amasôn hei.”

HLAHEI 34:6

Inthōpui kaneimak he’n ama anbek, khana ama’n amasôn hei; ama’n inrengna rakip a ahuk hei.

HLAHEI 68:17

Ashakor gâri lishing katamtak leh Rōngpu’n Sinaia inphut hmun inthenga khan jōng kaṭum.

HLAHEI 74:2

Hmalaia inphut nang sik a nakadei jo hei, hmalaia inphut nata sik a nakadeisōt hei, naphung manchang sik a, ansōk changna inphut najōng ṭhōisōt hei, namihei kha mandonsōt hei roh. Vōi khat a nalei omna Zion kha mandonsōt roh.

HLAHEI 76:3

Khana khan inrepuihei thepui hei, anphō leh anchem hei, kadik, anhmangchâk rakip kha ador thlek pek hei.

SŌKSŌT 3:7

Khava sōa Rōngpu’n ahnenga, “Ke’n kamihei Egypt a êng kasetak a antatlo manrim hei kha kahmu jo, sōk a ankarâkna heia inphut hukna sik a an-ông rasa kha kathei jo. Ke’n ankhōdeng theina rakip kha kaman hretsō jo,

SŌKSŌT 3:9

Ke’n kamihei ṭap rasa katheikhet jo, khana Egypt he’n heituk-hrep a khōdeng antamanthei hei mo ti kahmu jo.

ISAIAH 26:21

Raleichunga mihringhei ansetna jâra karâkna sik Rōngpu kha marvâna a-omna inphut kajōng sik. Raleichunga marûk a mikathat-hei inphông sik hei, khana ralei in mi antathat hei kha thupsôt mak jo ning.

ISAIAH 8:18

Hinahin, Rōngpu tapek eng naipanghei leh kei ka-om ung. Chunghnung Rōngpu alen in-ongna Zion Tlâng chunga intungpa khan Israel mihei hneng akahring ṭong thangkōi sik a ajōngtir ung kae.

MATTHEW 23:35

Khava tloman chu, ṭhenakase rakip nanthat hei jâra karâkna kha nanchunga akatlung sik kae, ṭhenakase Abel a inphut Berachiah sapa Zacheriah katlunga maichâm leh hmun intheng kâra nanthat hei.

ṬONGPHÔNG 16:6

Anmani’n Pathen mihei leh sânkathemhei thisen anta leimasō achang jâra, thisen anta-in sik a napek hei. Anmani’n anrahōi kasōk hrep kha antarahlâng kae!”

ṬONGKATANHEI 10:16

Israel he’n ram hlop pathenhei kha andahlona Rōngpu kha ankamuk jo; khana Israelhei inrengna chunga ama kachâm joa kae.