HLAHEI 89:18 - LEKHARABU INTHENG (BSI)

¹⁸ O Rōngpu, nang in kankahrung sik nakadeipek ung; Israelhei a’ntheng Pathen nang in kanreng kha napek ung.

HLAHEI 89:18 ပူးပေါင်းရင်းမြစ်များ

A’NPHUTNA 15:1

Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”

HLAHEI 148:14

Ami rakip in anchoi ka-ân theina sik amihei kha amanhrat hei, lungset a arônpen Israelhei khan, Rōngpu kha choi ka-ân ruh!

HLAHEI 44:4

Nang kareng leh ka-Pathen che kae; nang in namihei kha torna napek hei.

HLAHEI 47:9

Jât rakip vaikarônhei leh Abraham Pathen mihei kha intûp hei. Remi rakip hei kanek a ama ratha aneichet, ratha kanei pena vai arôn.

HLAHEI 62:6

Ama rōk in ahrung eng khana ahuk eng; ama hi ani kasenpa kae, kei ator hêrmak hei ning.

HLAHEI 71:22

Serângdâr leh inṭhōia kachoi ka-ân nger sik che; Ka-Pathen ke’n taksenthei nachangna kha kachoi manshâng sik. Israelhei A’nthengpa! Namanpâkna hla serângdâr vâng kamanjui sik.

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

ISAIAH 1:4

Nangni jât kaset hei, nangni mikadik mak leh mikaṭhamak-hei, nansetna he’n akei mathlâk jo chei, inrimpek ka-om chei! Israelhei a’ntheng Pathen, Rōngpu kha nanhlonsōt jo, khana nakahnung nansungsi jo.

ISAIAH 12:6

Ziona ka-om rakip in hla sak hei sona ông hei rasoh! Israel a’ntheng Pathen hi akalen kae, khana ama amihei kâra ka-om.”

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

ISAIAH 30:11

Kanhlam akhâr pek mak ruh, sesōt ruh. Nangni Israel Pathen intheng chungchânga rangei hnōm mak ung.”

ISAIAH 33:22

Khava anrakōng heia pōnzâr makhei kha ahnemna om mak; rakōng intôr theimak ning! Ni-inrepuihei nei rakip nisur sik jo, khangtuk hrep a katam sik, ke kangōi kapha’num chen anei tor sik. Rōngpu kha nireng kachang sik jo; ama’n nichunga vai arôn sik khana ahrung sik me.

ISAIAH 43:14

Israel Pathen intheng, nakahuksōt Rōngpu’n ahri, “Nang huksōtna sik Babylon kadōi sik remi kajōngtir sik; ke’n khōpui sōngkot kanam khōi sik, khana anmipuihei ôngna kha ṭapna kamanchang pek sik hei.

ISAIAH 43:3

Ajârchu kei Rōngpu na-Pathen eng kae, nang kahuksōt, Israel Pathen intheng eng kae. Nang ning leh hnōma masōna sik a ke’n Egypt kha donmak jo ning; Ethiopia leh Seba donmak hei ning.

SAMUEL INKHATNA 2:1

Hannah’n ader: “Rōngpu’n kamalung hi inpâkna amansip; Ama ṭōntlo pekna eng jâra heituk a a’npâk jo eng mo! Kaka-en kadahei kamanuisō hei; Pathen in a’nthōpui eng jâra heituk a akahōi jo eng mo!