HLAHEI 86:8 - LEKHARABU INTHENG (BSI)

⁸ Nang kapō Pathen lak tûte om mak, O Rōngpu, nang tatlo kapōa tûte’n tlotor mak hei.

HLAHEI 86:8 ပူးပေါင်းရင်းမြစ်များ

THUHMINGHEI INHNINA 2:4

Ke’n Rōngpu ka-Pathen kajana bek-inn inkhat kasak a kae. Hivahi hmun intheng, kei leh kamipui he’n marim katui maru-marâng rona, buhlom intheng injônjet a tōkna, jîngkâr khōhleia ro-inthoina tōkna kha leh inṭhōia Châmhngat kani, Thlather reveihei leh Rōngpu kan-Pathen kajana kani intheng ralak ninga inthoina hmun akachang sik kae. Ama’n hivahi ahei tik a antlo thakna sik Israel hneng ṭong apek kae.

HLAHEI 135:5

Ni-Rōngpu hi kalen, Pathen rakip hei kanek a kalenpen ti hi kamanhret.

HLAHEI 136:4

Ama rōk in ṭōn-inlak kalen atlo kae; alungsetna kha kumleikōa kae.

HLAHEI 89:6

Marvâna nang kapō tûte inkhatbek om mak, Rōngpu; marvâna ka-om inkhatbek in nang in-angpui om mak.

HLAHEI 89:7

Mi intheng hei intûpna khan nang ankaja che; khana nang kajana ankhenga inding hei.

HLAHEI 89:8

Chunghnung Rōngpu Pathen, nang kapō akahrat tûte om mak; heirakip a taksenthei che kae, O Rōngpu!

HLAHEI 95:3

Ajârchu Rōngpu hi ratha kanei Pathen kae, Pathen rakip hei chunga akahratpen reng kae.

SŌKSŌT 15:11

“Rōngpu pathenhei kâra tu mo nang kapō aka-om? Tu mo nang kapō inlaktak a a’ntheng aka-om? Tu’n mo nang tatlo kapō ṭōn-inlak leh ratha kaneitak akatlo tor?

SŌKSŌT 8:6

Khang’khan Aaron in tui rakip chunga akhōnghre ahei kalâng jo, uṭok hong kasōk heia Egypt ram kha anhlōsō jo.

ISAIAH 40:18

Pathen hi tu leh mo tekâkthei sik? Ama hei leh mo a’n-ang nang in heikhonga nahri tor sik?

ISAIAH 40:25

A’ntheng Pathen kha tu leh mo nitekâk sik? Ama kapō alak aka-om mo?

JEREMIAH 10:16

Jacob Pathen khachu, khavahei kapō changmak; ama chu heirakip kasyem kae, Israel kha ama mikhet sik a akadeisōt jo hei kae. Chunghnung Rōngpu kha ama rahming kae.

DANIEL 3:29

“Khana tûnchu ke’n ṭong pekna kanei kae, tu jât, phung, ṭong achang inum Shadrach, Meshach, Abednego hei Pathen kajaloa ṭongkahri mi kha akut, ake dorthlek sik, khana a-inn suk manhmanga da sik kae. Hiva kapōa akahuksōt tor pathen lak om mak.”

DÂNRABU INHNINA 3:24

‘Chunghnung Rōngpu, akalen leh ṭōn-inlak natlo sik a’nphutna hrep namanhmu eng kae ti hi kamanhret. Nang ṭōntlo ratha neina hei kapō akatlo tor sik ralei leh marvâna pathen om mak!

DÂNRABU INHNINA 4:34

Egypt ram a Rōngpu nan-Pathen in atlo kapōa, mipui inkhat kha jât-hlop inkhat heia inphut akalosōt sik leh ami khet manchangna sik a akase hnōm kha tu pathen inmo atlo jo? Nanhmai kung khet a ama ratha hratna leh atorna aleihmang jo; ama’n hrise leh re alei mansōk, mêrchîkna leh det-hla ka-om, khana ṭit ka-om tak alei mansōk hei.