HLAHEI 86:15 - LEKHARABU INTHENG (BSI)

¹⁵ Tâk-kha nang chu O Rōngpu, maritna leh lungsetna kasip Pathen che, ahei tik a akadehrat, mi kabômthei leh taksenthei che kha kae.

HLAHEI 86:15 ပူးပေါင်းရင်းမြစ်များ

THUHMINGHEI INKHATNA 21:13

David in Gad hneng amasôn, “Kei hi akhôkna phatak a ka-om jo eng! Tâk-kha mihring karâkna khachu madu mak eng. Rōngpu khet kha karâkna anikape chang rasoh, ajârchu ama chu maritna kasip a kae.”

NEHEMIAH 9:17

Anmani’n naṭong juihnōm mak hei; naṭōn leitlo rakip anmahngi jo; ṭōn-inlak naleitlo hei kha anmahngi jo. Anmani inlensak pum a anhlam kakei inkhat ankadei Egypt a sōk changna ankaṭhōi inle sik a. Tâk-kha nang chu rangei indam Pathen che kae; nang chu marit leh lungset kathem che, hnuknat beimak che. Nang lungsetna hi kalen; nang in hlonsōt mak hei che.

HLAHEI 103:8

Rōngpu chu marit leh lungset kae, hnuk kanabei mak leh lungset inthlengmak pui katluk kae.

HLAHEI 111:4

Rōngpu ṭōntlo inlak heirakip kha nimahngina sik a tlomak; ama hi lungset leh marit kha kae.

HLAHEI 130:4

Tâk-kha nang kaṭit a kan-om theina sik kansetna hei kha arangei mandam roh.

HLAHEI 130:7

Israel, Rōngpu kha taksen roh, ajârchu ama lungsetna inthlengtik neimak; khana ahei tik a hukna malung anei.

HLAHEI 145:8

Rōngpu hi lungset leh marit kae, Ahnuk nabeimak khana alungset injôn kha kasiptak a kae.

HLAHEI 85:10

Lungset leh taksen kha hong inmat sik hei; akadik leh lungmōng kha hong inchun sik hei.

HLAHEI 86:5

Keini sik a kaṭha che khana narangei mandam ung, nahnenga akader rakip sik a lungsetna kasiptak che.

HLAHEI 98:3

Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

SŌKSŌT 34:6

Rōngpu kha ahmai kunga kasesōt a ahei hrisōt, “Rōngpu kei hi lungset leh maritna kasip, hnuk kanaloi mak khana lungset kalen leh taksenthei kachang eng kha kae.

JOEL 2:13

Nanmalung akakōi khan nanchâmna kha malâr rasoh; nanpōn keihler rōk in latluk mak.” Rōngpu nan-Pathen hneng hong inle ruh. Ama chu lungset leh maritna kasip kae; dehratna anei khana aṭongtep anit; pha rakip a rangei mandamna sik a intluk khana karâkna pek mak a kae.

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MIJAHEI 14:18

‘Rōngpu kei hi kahnuk nabeimak, lungset kalen leh taksenthei changna khana setna leh dōina hei rangei mandamna kamalâr. Kha’num, annu anpahei setna jâra antu-ansa khang thum, khang manlihei chunga karâk loa om mak ning.’

JOHN 1:17

Pathen in Mosea inphut Dân kha ajongpek me, tâk Jesu Christa a inphut lungset maritna leh akadik kha ajongpek me.

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,