HLAHEI 84:9 - LEKHARABU INTHENG (BSI)

⁹ Nang in nakadeisōt reng, Kanreng hi vâng pek roh, Eh Pathen.

HLAHEI 84:9 ပူးပေါင်းရင်းမြစ်များ

A’NPHUTNA 15:1

Khava sōa Abram in hmangtalâr inkhat aneia Rōngpu’n hinga ahri kha athei, “Ṭitmak roh, Abram, ke’n nang thina sik a inphut napho kachang sik eng, khana inpâkman kalentak kapek sik che.”

SAMUEL INHNINA 23:1

Jesse sapa David kha Pathen in alei manlen, Jacob Pathen in renga aleikadei, khana Israelhei sik a hla kahōi tatak aleikaphō kha kae! Hihei hi David ṭonghri achaina hei kha kae:

THUHMINGHEI INHNINA 6:42

Rōngpu Pathen, nang in nakadeisōt reng kha hlonsōt mak roh. Nasōk David hnenga lungset narônna kha mandonsōt roh.”

HLAHEI 132:17

Hinahin David sōn leh pâr kâra inkhat rengkalen kasyem sik; hinahin kakadeisōt rengpa vairônna kha kakahuk pek sik.

HLAHEI 17:1

O Rōngpu, ṭong kadik tanna sik a kaderna hi arangei pek roh; inthōpui sik a kapengna khôk asak pek roh! Malung inthengtak a kaderna athei pek roh.

HLAHEI 2:2

Anreng he’n andōi, khana anvaikarôn he’n inchun heia Rōngpu chunga leh ama takadeisōt rengpa chunga marûk a ṭōnhlam ansyem.

HLAHEI 2:6

Ama’n ahri, “Katlâng intheng Zion chunga, kareng kha kaman ong jo,” ati.

HLAHEI 3:3

Tâk-kha O Rōngpu, nang chu, inreng pha ahei tik a kapho che kha kae; nang in torna napek eng, khana lungngamna namannei nôk eng.

HLAHEI 59:11

That mak hei roh, Eh Pathen, anthibât inchu kami he’n anmahngi bât sik che. Khava kanek a chu, O Rōngpu, kankasanpa, narathahrat vâng khan kathek hei ina torcher hei roh.

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

HLAHEI 89:20

Ke’n kasōk David kha thai intheng kamanthia reng kamanchang jo.

HLAHEI 98:1

Rōngpu hneng hlather kha sak ruh; ama’n ṭōn inlak-hei atlosōt jo! Abinga arathahrat leh a’nthengna vâng khan torna kha achen jo.

ṬŌNTLOHEI 4:27

Atakbak a nang in Messiah namatungsōt, Nasōk intheng, Jesu kadōia Herod leh Pontius Pilate in Jât-hlop hei leh Israel mipuihei kha hiva khōpuia anle’ntûp pui hei.

DÂNRABU INHNINA 33:29

Eh Israel, heituk a akahōi che mo! Rōngpu’n ahuksōt jât nang kapō tûte inkhat om mak. Nang hrungna sik leh torna nakapek sik a, Rōngpu khet kha nang pho leh chemjâm kae. Nakadōi he’n lungsetna kangek sik a kahong sik hei, khana nang in nachōn rachi sik hei.

SAMUEL INKHATNA 16:6

Anmani anhongtlung pha Samuel in Jesse sapa Eliab kha ahmua abinga ati, “Kadeisōt kha hiva Rōngpu hmaikunga akangirpa hi kachang nger sik.”

SAMUEL INKHATNA 2:10

Rōngpu kadōihei kha suk manhmang kachang sik hei; marvâna inphut anmani kadôia khōjang jōng kapōk sik. Rōngpu’n vânhnōi pumpui ṭong atan sik, arengpa kha ratha apek sik, areng kadei kha torna amannei sik.”