HLAHEI 83:18 - LEKHARABU INTHENG (BSI)

¹⁸ Anmani’n nang rōk kha Rōngpu che kae, raleichung pumpuia ratha kaneipen vaikarôn che kae ti kha manhret hei rasoh.

HLAHEI 83:18 ပူးပေါင်းရင်းမြစ်များ

A’NPHUTNA 22:14

Khava jâra Abraham in ahmun kha “Rōngpu’n apek”, (Jehova Jire) tia arahming aphō, khana tuning katlunga mihe’n “Rōngpu tlâng chunga ama’n apek,” anlatia kae.

RENGHEI INKHATNA 18:37

Hiva mihei hin Rōngpu nang hi Pathen che kae khana nahnenga anmani naheiṭhōi male hei kae ti hi manhret hei rasoh.”

RENGHEI INHNINA 19:19

Tûn, Rōngpu kan-Pathen, vânhnōia jât rakip in nang rōk Rōngpu Pathen che kae tia anmanhretna sik a, Assyrianheia inphut keini ahuksōt roh.”

HLAHEI 18:13

Khava sōa marvâna inphut Rōngpu kha jōng ka-ông khana Chunghnung rasa kha inthei jo.

HLAHEI 35:4

Kei thatna sik katlohei kha re tor makna leh inzakna chen hei rasoh! Kei dōina sik a intluk hei kha ankahnung male hei sona inhmak hei rasoh!

HLAHEI 59:13

Nahnuknat vâng khan suk manhmang hei roh; pui katluk a suk manhmang hei roh. Khan chu, Pathen in Israelhei chunga vai arôn, khana avai rônna kha raleichung pumpuia katlung ti kha mi rakip in anmanhret sik jo.

HLAHEI 9:16

Rōngpu kha aṭongtan kadik vâng khan abinga inlâra kae; khana mikaṭhamak-hei kha anṭōntlo kalalen khan akhit heia kae.

HLAHEI 9:2

Nang jâra ke’n inpâktak a hla kasak sik, Chunghnung Pathen, nang manpâkna hla kasak sik!

HLAHEI 92:8

ajârchu Rōngpu, nang chu ahei tik a akahratpen che kae.

HLAHEI 97:9

Rōngpu, akahratpen, nang chu raleichung pumpui vaikarôn che kae; Pathen rakip hei kanek a kalen chet che.

SŌKSŌT 6:3

Kei Abraham, Isaac leh Jacob hneng Chunghnung Pathen inkhat a le’nlâr eng, tâk ke’n anmani hneng karahming intheng Rōngpu hi manthei mak hei eng.

ISAIAH 42:8

“Kei rōk hi Rōngpu nan-Pathen eng kae. Alak pathen in kalûrna hi achenpui theimak ning; kei choi ka-ânna kha limsyemhei chenpui mak ning.

ISAIAH 5:16

Tâk-kha Chunghnung Rōngpu’n akadik kha atloa alenna kha amalâr, khana amihei ṭong atanna a’nthengna kha amalâr.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

JEREMIAH 16:21

Rōngpu’n ahri, “Khava jâra kei ratha neina leh kahratna hi vōi khat rōk a a’nchaina hêra anmanhretna sik a kamanthei sik hei; anmani’n kei hi Rōngpu eng kae ti hi anmanhret sik jo.”

EZEKIEL 30:19

Hing’hin ke’n Egypt karâkna kapek pha, anmani’n kei hi Rōngpu kae tia anmanhret sik jo eng.”

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

DANIEL 4:32

Nang mihringhei kâra inphut hnongsōt sik che kae. Ramshahei kâra aka-om sik che kae, kum 7 sehratche kapōa phi nasâk sik kae. Khava pha Chunghnung Pathen in rengram rakip chunga vai arôn khana khavakha ama’n amadu mihei hneng apektor ti hi nang in nahong manhret sik.”

MICAH 4:13

Rōngpu’n ahri, “Jerusalem mihei, se ruh, nan-inrepuihei kha vakarâk hei ruh! Ke’n nangni thir raki kanei, sum-êng ke matin kanei sehratche kapōa ratha hratna kapek sik chei. Nangni’n jât katamtak nansuk manram sik hei khana rumhrat a mihei nei leh hao antachom kha, vânhnōi pumpui Rōngpu kei hneng nanta heitōk sik kae.

ZECHARIAH 4:14

Khava sōa ama’n ati, “Ralei pumpui Rōngpu, ama inzen sik a thai kanosa kadeisōt mi 2 hei kha hihei hi kae.”