HLAHEI 82:5 - LEKHARABU INTHENG (BSI)

⁵ “Heituk a khō inhret mak chei mo! Heituk a invet chei mo! Nangni chu ṭhatmak a pui katluk chei, khana raleichunga hin akadik ṭongtan om mak jo.

HLAHEI 82:5 ပူးပေါင်းရင်းမြစ်များ

JOB LEKHARABU 8:9

Nihringkhō hi kabong, eini’n heite manhret mak me; raleichunga rahle kapōa eini’m kathleng ri me.

HLAHEI 11:3

Heirakip atlâksam jo pha, mikaṭha khan atlo tor sik heite om mak.”

HLAHEI 14:4

Rōngpu’n ader a, “Anmani’n manhret mak hei mo? Hiva ṭhatmak katlo rakip hei hi heite inhret mak rōk hei mo? Kamihei nei leh hao anchom heia kahring hei, khana kahnenga derna neitet mak hei.”

HLAHEI 53:4

Pathen in ader, “Anmani’n manhret mak hei mo? Hiva ṭhatmak katlohei hi heite inhret mak hei mo? Anmani hin kamihei anchom heia hringna annei, khana kahnenga adertet mak hei.” ati.

HLAHEI 75:3

Ranhring rakip ṭitna’n an-innoksō jo’num, ralei hi a’nnok jo’num, ke’n khava innhmun kha kahnettak a kamatung sik.

HLAHEI 99:1

Rōngpu hi reng kae; mihe’n anṭit a innok hei. Ama areng in-ongna mathla kanei ranhringhei chunga in-ong khana ralei hi innok.

ṬONGCHÎK-HEI 1:29

Nang in singna hmangje leimanhret hêrmak che, khana pha rakip a Rōngpu ṭong jui sik leihnōm mak che.

ṬONGCHÎK-HEI 2:13

anmani akadik hringkhō andahlona set inthimna hringkhōa ka-om hei,

ṬONGCHÎK-HEI 4:19

Kachanga mikaṭhamak-hei hlam khachu jân kapōa inthim, katlu hei, khana an-inpai inthlûkna kha hmutor mak heia kae.

MI INTHEIPA 2:14

Akasing he’n khon mo akase hei ti kha anhmusōt, khana mikamo he’nchu hmutor mak hei.” Tâk-kha kei um kamanhretsa ti chu khava mahâmsetna khan nikhenga alahngâk mea kae.

MI INTHEIPA 3:16

Hiva chungchôna, raleichunga ṭongtan kadik leh dikna omna sik rahōi kasōk hmun a khan malung ṭhatmak alengna hei kha nanhmusōt, ke’num kamanhret a kae.

ISAIAH 5:7

Israel hi Chunghnung Rōngpu vomhrui rahōn kha kae; Judah phunghei kha vomhrui aling hei kha kae. Ṭōn kaṭha antatlo sik a anchunga a’nhōr kae, tâk-kha khava nek a mi anthat a kae. Ṭōn kadik antatlo sik a anchunga a’nhōr kae, tâk-kha antamanrim hei kha’n, ṭong kadik tanna sik a ka-ông jo hei.

ISAIAH 59:9

Mihei khan anhri, “Tûnchu Pathen in keini anikasuk inrim heia inphut ahuk mak jo ung hi heijâra mo ti keini’n kanmanhret jo. Keini’n lônna sik a vâr chen sik a inhōr ung, tâk hinahin inthim rōk kha ka-om,

MICAH 3:1

Israel hlamkakei nangni, rangei ruh! Nangni akadik chungchânga khôk nantasak sik kasōk,

JOHN 12:35

Jesu’n amasôn hei, “Vâr kha nankâra pha bongkhat rōkte ka-om sik. Nanchunga khō inthim kha ajōng makna sik nangni’n vâr nanneilai hin nanhlam hro kha manjôn ruh; ajârchu khō inthima ka-om mi khan khonting ajōna akase manhret mak.

JOHN 3:19

Ṭongtan ṭōn kha hi kae: ti chu vâr kha raleichunga kajōng jo, tâk mihe’n ṭhatmak ṭōn kha antlo jâra, vâr kanek a a’nthim jôk kha anmadu.

ROMANHEI 1:28

Khava mihei khan akadik Pathen manhretna kha anmalung shunga andahnōm mak jâra, antatlo mak sik kha antlona sik Pathen in malung kaṭhamak kha apek jo hei kae.

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”

JOHN INKHATNA 2:11

Tâk-kha asōpui ka-en kada mi khachu, inthim shunga aka-om kae; inthim thōia kalôn hei khana khon mo akase hei manhret mak hei; ajârchu khō inthim in anhmit amanjîng pek heia kae.