HLAHEI 81:3 - LEKHARABU INTHENG (BSI)

³ Thla kha ahongther jo pha, thla kha ahonglir jo pha, reveina pengkun kha tum ruh.

HLAHEI 81:3 ပူးပေါင်းရင်းမြစ်များ

RENGHEI INHNINA 4:23

Apuise’n ader, “Heisik a mo, tuning avakase sik che? Tuning hi Châmhngat kani ning um changmak khana thlalir ninga revei um changmak.” Nuhmei in amasôn, “Heite timak.”

THUHMINGHEI INKHATNA 15:16

Levi ralak he’n hla ansakna sik leh mahring kanei serângdâr leh sumkutben kahōitak a anmanhringna sik a David in Levi hlamkakeihei hneng ṭong apek hei.

THUHMINGHEI INKHATNA 16:42

Heman leh Jeduthun hei kha pengkun leh sumkutben khana aralak mahring kaneihei, inpâkna hla ansak pha mahring kanei sik a akatinta inṭangsa hei. Jeduthun phungṭhena mihei kha sōngkot kahrunga inṭang hei.

THUHMINGHEI INKHATNA 16:6

khana thempu 2 hei, Benaiah leh Jahaziel he’n Intepna Bôm hmaikunga injônjet apengkun antatum sik kae.

THUHMINGHEI INKHATNA 25:1

Rn David leh Levi hlamkakei he’n athōia Levi phungṭhen hei hi kamukna ṭōn hlamkakei sik a ankadei hei: Asaph, Heman, khana Jeduthun. Anmani Pathen ṭong akaphôngsōt sik hei kae, serângdâr leh sumkutben hei leh inṭhōi hei. Hihei hi kamukna hlamkakei sik kadeisōt hei man-gôrna kha leh inṭhōia arup et tatlosōt sik anṭōnhlam kha kae:

THUHMINGHEI INHNINA 13:12

Pathen khet kha keini hlamkakei kae khana ama thempuhei hinahin, nangni dōina re katlo sik a, keini hei bekna pengkun anmatua akatum sik a intlukdek jo hei. Israel mipuihei, nangni pusōnhei Rōngpu dōina re tukmak ruh. Re tor mak tin chei!”

THUHMINGHEI INHNINA 13:14

Judeahei khan ankimve an-en pha mihei kekhumna kha anhmu jo. Anmani’n Rōngpu hneng inthōpuina ander jo khana thempu he’n pengkun antum jo.

THUHMINGHEI INHNINA 2:4

Ke’n Rōngpu ka-Pathen kajana bek-inn inkhat kasak a kae. Hivahi hmun intheng, kei leh kamipui he’n marim katui maru-marâng rona, buhlom intheng injônjet a tōkna, jîngkâr khōhleia ro-inthoina tōkna kha leh inṭhōia Châmhngat kani, Thlather reveihei leh Rōngpu kan-Pathen kajana kani intheng ralak ninga inthoina hmun akachang sik kae. Ama’n hivahi ahei tik a antlo thakna sik Israel hneng ṭong apek kae.

THUHMINGHEI INHNINA 8:13

Ama’n ro-inthoinahei kha kani intheng nitna rakip sik a Dân dungjuia aleitōk hei: Châmhngat kani, Thlather Revei, khana kum a revei 3 hei — Che philo Buhlom Revei, Sakhômna Revei, khana Rabuk Kût heia.

HLAHEI 149:3

Lâm pum a arahming kha choi ka-ân ruh; Ama choi ka-ânna khan khōngpui leh serângdâr manhring hei ruh.

HLAHEI 33:2

Serângdâr vâng Rōngpu kha manpâk ruh, mahring kanei vâng ahnenga hla sak ruh.

HLAHEI 98:6

Pengkun leh sharaki hei tum ruh; ni-Rōngpu ni rengpa hneng inpâk a ông ruh.

ṬAJAISUINA 2:6

Keini’n ama kankamukna Bek-inn kha ahar-ahak a amakhōi jo; Aman kani intheng hei leh Châmhngat kanihei amanbâng jo. Rn leh thempuhei rakip inum ahnuk kana jo ti anmanhret jo.

NAHUM 1:15

Enruh, tlâng rekhat a inphut mi inkhat in ṭong kaṭha leh inṭhōia kajōng! Ama kha retorna ṭong kaphông sik a hlam a kajōng. Judah mihei, nanrevei kha tlo ruh khana Pathen hneng naṭong tepna kha pek ruh. Mikaṭhamak he’n nanrama ahei tik a’m re tlomak jo hei ning. Anmani tha manrampet jo hei kae!

MIJAHEI 15:3

Sehratche, kemōngche, a-emak leh keche inkhat romanvâm inthoina a-emak leh intepna huitlungna sik inthoina a-emak leh bing rachama tōksōtna a-emak leh beklanga angaia tōksōtna heia tōkthei hei kae. Hiva thlai inthoina marim hi Rōngpu tlaina kae.

MIJAHEI 28:11

Thla rakip inphut ning Rōngpu hneng ro-inthoina tōksōt ruh: nōrna kase rōk sehrat chere 2, kemōngche 1, kum khat katluk jo hei kemōng chere 7.

DÂNRABU INHNINA 16:15

Kamukna hmun inkhat a ni 7 revei kha hmang inna Rōngpu nan-Pathen kajana nei ruh. Inpâk ruh, ajârchu Rōngpu’n nansâng khôm leh nanṭōn tlo chunga mahâmṭhat apek chei.

COLOSSIANHEI 2:16

Khava jâra heimo nantasâk leh nanta-in chungchânga, kani intheng leh Thlather Revei leh Châmhngat kani chungchânga tûte’n nanchunga dân syem mak rasoh.