HLAHEI 78:10 - LEKHARABU INTHENG (BSI)

¹⁰ Pathen leh anṭong intepna kha leijui mak hei; ama dân jui sik kha leihnōm mak hei.

HLAHEI 78:10 ပူးပေါင်းရင်းမြစ်များ

NEHEMIAH 9:17

Anmani’n naṭong juihnōm mak hei; naṭōn leitlo rakip anmahngi jo; ṭōn-inlak naleitlo hei kha anmahngi jo. Anmani inlensak pum a anhlam kakei inkhat ankadei Egypt a sōk changna ankaṭhōi inle sik a. Tâk-kha nang chu rangei indam Pathen che kae; nang chu marit leh lungset kathem che, hnuknat beimak che. Nang lungsetna hi kalen; nang in hlonsōt mak hei che.

SŌKSŌT 16:28

Khava sōa Rōngpu’n Moses hneng, “Heichen katlung mo namipui he’n kaṭong pek antalajui hnōm mak sik?

JEREMIAH 31:32

Hivahi ke’n anpu anpahei Egypt a inphut ankut kamatua kaheiṭhōisōt hei pha intepna marō kha leh in-ang mak ning. Kei hi anpuise kapō kha kachang inum khava intepna kha nitmak hei.

EZEKIEL 20:21

“Tâk-kha khava khangther he’num kei andōi jo eng. Akajui rakip hnenga hringna kapek sik kei dân kha anvōkkhōi khana kaṭong pek nitmak hei. Anmani’n Châmhngat kani anmanbōk. Khava nêrdiram a kei hnuknat inhnak kha anmanhretna sik leh thatpetna sik heia ṭōn tlo sik a kei le’ntluk eng.

DÂNRABU INHNINA 31:16

Rōngpu’n Moses hneng ahri, “Nang inranga kathi sik jo che, nathisōa mipuihei hi kei hneng taksenthei changmak hei ning, anmani leh intepna kaleisyem kha anvōkkhōi sik. Kei andahlon sik eng, anvahlutna sik ram a jât-hlop hei pathen anvakamuk sik hei.

DÂNRABU INHNINA 31:20

Anpu anpahei hneng kale’ntep kapōa, hiva haona leh thai omna ram a hin kaṭhōi sik hei. Khana khan antamadu thlai rakip anhmu sik, inchûng nenga ka-om sik hei. Tâk anmani inhe sik heia kha pathen alak anvakamuk sik. Andahlon sik eng, kaṭong tepna anvōkkhōi sik,