HLAHEI 76:7 - LEKHARABU INTHENG (BSI)

⁷ Tâk-kha, Rōngpu, nang chu mi rakip in anṭit che. Nahnuk anat pha nahmai kunga tûte ngir tor mak.

HLAHEI 76:7 ပူးပေါင်းရင်းမြစ်များ

THUHMINGHEI INKHATNA 16:25

Rōngpu kha kalen inshângtak a manpâk sik kae; ama kha pathen rakip hei kanek a kakhea kaja sik kae.

EZRA 9:15

Rōngpu Israelhei Pathen, nang chu akadik che kae, tâk-kha keini hi nalamanhring unga kae. Nahnenga kanṭhena hei seng kanphông; nang omna heihlutna sik ratha neimak jo ung. ”

HLAHEI 130:3

Kansetna hei tintana lekha naleida’nchu, maset chenna inphut tu mo akatlânsōt tor sik?

HLAHEI 2:12

Ratha innok pum a ahnenga inkun ruh; kha achangmak inchu ahnuk kha inranga hongkana sik, khana nangni inrangtak a kathi sik chei. Ama tahrung sik a ahnenga akase rakip kahōihei!

HLAHEI 89:7

Mi intheng hei intûpna khan nang ankaja che; khana nang kajana ankhenga inding hei.

HLAHEI 90:11

Tu’n mo pui katluk a nahnuknat rathahrat kha amanhret tor? Nahnuknat inhnak khan heiṭit ka-om mo ahong rôn sōt tor, tu’n mo amanhret?

SŌKSŌT 15:1

Khava sōa Moses leh Israel he’n hiva hla hi Rōngpu hneng anleisak: “Ke’n Rōngpu hneng hla kasak sik, ajârchu ama’n akalûrtak retorna inkhat anei jo; ama’n shakorhei leh akatôrhei tuipui shunga ahlon manhlut hei.

SŌKSŌT 15:4

“Ama’n Egypt remi leh shakor gârihei Tuipui shunga ahlon manhlut hei; anṭōn karôn kaṭhapen hei kha Tuipui Kasen shunga amanchûm hei.

NAHUM 1:6

Ama hnuk natna hmun a, tu mo akahringtor sik? Ama hnuknat ṭit ka-om tak a khan tu mo akahringtor sik? Hmeimale kapō ahnuknat kha ahei bunthlōn, ahmai kunga hlunghei um innoi heia vaiphin kachang hei.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

CORINTHIANHEI INKHATNA 10:22

Khana Rōngpu thangsetna sik eini’n nitlo sik mo? Ama kanek a eini kahrat me tia a’ndon me mo?

ṬONGPHÔNG 14:7

Ama rasa inhnaktak a ka-ônga, “Pathen ṭit ruh, alenna choi manshâng ruh! Ajârchu ama’n mihringhei ṭong atanna sik pha kha kahong jo. Khava jâra marvân, ralei, tuipui leh tuiri kapût kasyempa kamuk ruh!” atia kae.

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”