HLAHEI 76:6 - LEKHARABU INTHENG (BSI)

⁶ Jacob Pathen nang in nahong maṭhit jo hei pha, shakorhei leh ankachōng hei kha kathi ri hei.

HLAHEI 76:6 ပူးပေါင်းရင်းမြစ်များ

SAMUEL INHNINA 10:18

Israel he’n Syria remihei kha anhnong male jo hei. David leh ami he’n Syria shakor gâri katôr 700 leh shakor remi 40,000 anthat jo hei, khana ankadōi rehlam kakei Shobach um antôn masuk a rehmun a kathi jo.

RENGHEI INHNINA 19:35

Khava jân a khan Rōngpu ngeva inkhat Assyria rephōra kasea remi 1,85,000 avathat jo hei. Ajînga khō ahong vâr pha anmani ankhenga leikathi heia inthlong jo hei.

THUHMINGHEI INHNINA 32:21

Assyriahei remi leh anṭōn karônhei kathat sik a Rōngpu’n ngeva ajōngtir jo hei. Khava jâra rengkalen kha inzaktak a Assyria ting inle jo. Ni khat chu apathen bek-inna aleiomlai asapa he’n chemjâm vânga anleituk that jo.

HLAHEI 104:7

Tâk-kha nang in tuihei kha narasei hei pha katlân hei; anmani’n naṭongpek naka-ông kha anthei pha inranga kalōngsōt jo hei.

HLAHEI 18:15

Rōngpu, nang in na’nrepuihei narasei hei pha, khana hnuknat a na-ông pha; tui-ôngpui hnōi kha kachâr, khana ralei kung kha makhu loa ka-om.

HLAHEI 80:16

Kan-inrepuihei khan antuk mathlâk a hmei vâng anro; hnuk kana tak a en hei ina suk manhmang hei roh!

SŌKSŌT 15:1

Khava sōa Moses leh Israel he’n hiva hla hi Rōngpu hneng anleisak: “Ke’n Rōngpu hneng hla kasak sik, ajârchu ama’n akalûrtak retorna inkhat anei jo; ama’n shakorhei leh akatôrhei tuipui shunga ahlon manhlut hei.

SŌKSŌT 15:10

Tâk-kha, Rōngpu, nakaphuk vōi khat sêm khan Egypt hei kha tui shunga akachûm jo hei; anmani ṭit ka-om tak tui shunga ngen kapōa kahlut jo hei.

SŌKSŌT 15:21

Miriam in hla asak pek hei, “Rōngpu manpâk hla sak ruh, ajârchu ama’n kalûrtak a torna anei jo; ama’n shakorhei leh ankatôr hei kha tui shunga ahlon manhlut jo hei.”

ISAIAH 37:36

Khana marvân ngeva inkhat Assyriahei ṭhumhmuna kasea remi 185,000 athat jo hei. Khang’khan ajing jîng khōvâr pha mihei kha ankhenga kajea kathisō jo hei.

JEREMIAH 51:39

Anmani akalôp hei mo? Ke’n revei sâktlâng inkhat kamantluk pek sik hei, khana ju kaman rui heia kamanhōi sik hei. Anmani khō manhret loa kaje sik hei, thōimak jo hei ning.

JEREMIAH 51:57

Ke’n avaikarônhei, ami kasinghei, ahlam kakeihei, khana aremihei ju kaman rui sik hei. Anmani kaje sik hei khana thōimak hei ning. Rn ke’n kahri jo kae; Kei Akahratpen Rōngpu eng kae.

EZEKIEL 39:20

Khava kei busâkna dokhâng chunga shakorhei leh ankachōng hei, remihei leh re kahrânghei ravōi ansâktor chenna ansâk sik. Chunghnung Rōngpu ke’n kahri jo kae.”

NAHUM 1:6

Ama hnuk natna hmun a, tu mo akahringtor sik? Ama hnuknat ṭit ka-om tak a khan tu mo akahringtor sik? Hmeimale kapō ahnuknat kha ahei bunthlōn, ahmai kunga hlunghei um innoi heia vaiphin kachang hei.

NAHUM 2:13

“Kei nakadōi eng kae!” tia Akahratpen Rōngpu’n ati. “Nashakor gârihei karo sik. Rehmun a naremihei anthat sik hei, khana mihlop-hei hnenga natachom rakip kalosōt sik. Napalai hei ngekna ṭong intheimak jo ning.”

NAHUM 3:18

Assyria rengkalen, naram vaikarônhei kathi jo hei, khana nami kalûrhei area sik a kaje jo hei! Namihei tlâng chunga inchai kathek jo hei, anmani inna anhei kaṭhōi male sik a tûte om mak hei.

ZECHARIAH 12:4

Khava pha khan, ke’n anshakorhei kha ṭitna kapek sik hei khana ankatôr hei kha kamanvetpek sik hei, ke’n Judah mihei kha ka-ensui sik hei, tâk anmani kadōihei shakor kha anhmit kamanchopek sik hei.

SAMUEL INKHATNA 26:12

Khana David in kasei leh tuipeng rōk kha Saul luthlōna inphut aloa, ama leh Abishai kha kasōk jo hei. Omchen kasōk kha tûte inkhat in hmumak hei, manhret mak hei khana thōisōt mak hei, anmani ankhenga kaje hnger hei, ajârchu Rōngpu’n kahōia jena kha ankhenga apek hei.