HLAHEI 72:15 - LEKHARABU INTHENG (BSI)

¹⁵ Reng kha ahringsei sôt rasoh! Sheba ram a sana kha ama pek hei rasoh; ama sik a derna ahei tik a neipek hei rasoh; Pathen mahâmṭhatna achunga tlungṭhak rasoh!

HLAHEI 72:15 ပူးပေါင်းရင်းမြစ်များ

RENGHEI INKHATNA 10:10

Rengnu’n Solomon hnenga kutchoi ahei rôn seng kha apek jo: sana kilograme 4,000 kakhe, marim katui, hira-mukta katamtak. Amanu kutchoi apek marim katui hin pha ralak a aleirahlâng kanek a katampena kae.

RENGHEI INKHATNA 10:14

Akum katai Reng Solomon in sana kilograme 23,000 arahlâng ṭhak

THUHMINGHEI INHNINA 9:1

Sheba rengnu khan Reng Solomon rahming inthang kha aleithei jo, khana amanu kha ahnenga honga ṭong intak hei der a enmansinna sik a Jerusalema kahong. Amanu’n akahrung mi katamtak ahe’nṭhōi hei, sharîngsei hei kha maru-marâng, hira-mukta, khana sana katamtak phur ahei manrôn hei. Solomon leh amanu kha an-intō pha, amanu khan amandon seng kha ṭongderna anei jo.

HLAHEI 21:4

Ama’n hringkhō ader che kha napek, nang in hringkhō seisôtna leh hnetna napek.

HLAHEI 45:4

Ṭong kadik leh ṭong intlun hrungna sik a Kalûrtak a retorna kha chōng jo roh! narathahrat khan retorna kalentak amannei sik che!

HLAHEI 72:19

Arahming kalûr kha ahei tik a choi ka-ân ruh! Alûrna khan raleichung sipsō rasoh. Amen! Amen!

ISAIAH 60:6

Midian leh Ephah ram a inphut sharîngsei katamtak kahong sik hei, Sheba ram a inphut, sana leh marim katui anhongrôn sik. Mihe’n Rōngpu ṭōntlo ṭong kaṭha kha anhri sik.

MATTHEW 2:11

Anmani inna khan kahlut hei, anmani’n naite kha anu Mary leh anhmu hei pha, inkun heia ankamuk jo. Ankutchoi bôm anmahlânga sana, thai marim katui, bero anpek joa kae.

MATTHEW 21:9

Mipui ahma kase hei leh akahnung kajui he’n an-ôna, “Hosanna, David Sapa manpâk a om rasoh! Rōngpu rahminga akajōng ama kha amahâm kaṭha! Hosanna, chunghnung pena manpâk rih!” anti.

MATTHEW 6:10

narengram jōng tlung rasoh; marvâna nalungdo a’ntlo kapōa raleichunga’m intlo rasoh.

JOHN 11:25

Jesu’n amanu hneng, “Kei thōi nôkna leh hringna eng kha kae; tu achang inum anikataksen mi kha akathi achang inum akahring sik kae.

JOHN 14:19

Pha bongkhat shunga vânhnōi in kei ahmu mak jo ning, tâk nangni’nchu nanhmu sik eng; ajârchu kei kahring jâra nangni’m akahring sik chei kae.

JOHN 5:23

Khava jâra mi rakip in Pa antakaja kapōa Sapa kha antakaja sik kae. Tu achang inum Sapa injamak mi khan, ajōng katir a-Pa kha akaja mak kae.

PHILIPPIANHEI 2:11

khana Pa Pathen kha manlûrna sik, Jesu Christa kha Rōngpu kae tia mi rakip in inphôngtak a anta-ôn sik kae.

THESSALONIANHEI INKHATNA 3:11

Keini nanhnenga kanhongna sik ni-Pathen leh ni-Pa khana ni-Rōngpu Jesu khan hlam amantluk pek rasoh!

TIMOTHY INHNINA 4:22

Narathla kha Rōngpu’n ompui rasoh. Pathen maritna khan nankhenga ompui chei rasoh.

PETER INHNINA 3:18

Tâk-kha ni-Rōngpu leh ani kahuk inhringpa Jesu Christa manhretna leh maritnating khang ṭhak ruh. Tûnum ahei tik a’m ama lûrna changṭhak rasoh! Amen.

JOHN INKHATNA 1:2

Hiva hringna hi hmuthei ahongchang jo pha, keini’n kanleihmu jo; khava jâra Pa leh aleika-omsap kumsôt hringna kantahong manhret jo kha keini’n kanhrilea kanmanthei chei.

JUDE 1:25

ani kahuk inhring Pathen inkhat rōk hnenga, ni-Rōngpu Jesu Christa jâra, lûrna, kajana, ratha hratna, torna ratha kha a’nphutbia inphut tûn katlung, khana are-rea atâ changṭhak rasoh! Amen.

ṬONGPHÔNG 1:18

Kei akahring ṭhak inkhat eng kha kae! Kei leikathi eng, tâk tûnchu are-rea sik a kahring jo eng. Ke’n thina ram chunga leh thina chunga torna ratha kanei.