HLAHEI 72:12 - LEKHARABU INTHENG (BSI)

¹² Ama kabek sarahei, khana akatlasam leh donmak hei kha ahuk hei.

HLAHEI 72:12 ပူးပေါင်းရင်းမြစ်များ

SAMUEL INHNINA 14:16

Kaṭong narangei pek sik eng khana kei leh kasapa kathat sik hei leh Pathen in amihei apekna ram a inphut anikalosōt sik heia inphut nanihûk sik ti kamandon.

JOB LEKHARABU 29:12

Sara he’n annider pha ke’n kabôm hei. Sena hongna inhret mak, anu-apa ka-om mak hei hneng inthōpuina kapek ri hei.

JOB LEKHARABU 36:15

Tâk-kha Pathen in mihring hi khōdeng theina vânga mansena anei hei inrengna hi anhmit mahlangna sik a ahmanga kae.

HLAHEI 10:17

O Rōngpu, a’nsinsak hei derna nathei pek sik hei; nang in anmani vak neina napek sik hei.

HLAHEI 102:17

Ama’n adahlon mipuihei karesō athei pek sik hei. khana anderna kha arangei pek sik hei.

HLAHEI 102:20

Hlung kurkhum a ka-om hei inkōi rasa aleithei khana akathi sik a maset kachen hei kha amasō hei.

HLAHEI 55:17

Jîngkâr, sûnṭim, khana jân a ka’nphinna leh ka’nkōina kha ahnenga katlung, khana karasa athei pek sik eng.

HLAHEI 72:4

Reng khan kadiktak a sarahei chunga ṭong tan rasoh; khana akatlasam hei kha inthōpui hei rasoh khana ankasuk inrim hei kha torpek hei rasoh.

ṬONGCHÎK-HEI 29:7

Mikaṭha’n sarahei ratha neina amanhret pek, tâk mikaṭhamak khan khava kapō kha manhret theimak.

MI INTHEIPA 4:1

Abâna ke’n raleichunga akadik mak rakip hei hi ka-en nôk a kae. Suk manrima aka-om he’n kaṭap hei khana tûte’num inthōpui mak hei. Tûte’num inthōpui mak hei, ajârchu ankasuk inrim he’n anchunga ratha anneia kae.

ISAIAH 41:17

“Kami he’n tui in sik anmadu pha, khana tuihre jâra ankadang achar pha, khava sōa Rōngpu ke’n anderna kha kamasôn sik; Israel Pathen ke’n anmani dahlon hêrmak hei ning.

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

LUKE 7:22

Ama’n ṭongkarônhei amasôn hei, “Nangni’n nantahmu leh nantathei hei hi inle una John hneng vahri pek ruh: hmitkacho’n khō ahmu, ke katlek in ke achoi, kaphârhei intheng hei, kōr kaset in anthei, akathi kahringa keimathōia ka-om hei, khana sarahei hneng ṭong kaṭha kha inhria kae.

CORINTHIANHEI INHNINA 8:9

Ni-Rōngpu Jesu Christa maritna me kha nangni’n nanmanhret; ama sara changna vâng nangni mikahao nanchangna sik a, mikahao ama kha nangni sik a abinga sara inchang joa kae.

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

SAMUEL INKHATNA 22:2

De inrimna kathok rakip, bat leh râk kaneihei, malung akatlaimak hei, pase 400 ahnenga kase hei, anmani hlamkakeia inṭang jo.