HLAHEI 71:20 - LEKHARABU INTHENG (BSI)

²⁰ Nang in kachunga bōina leh inrengna napek eng, tâk nang in karatha namanhrat pek nôk sik eng; thlâna inphut nakeisōt sik eng.

HLAHEI 71:20 ပူးပေါင်းရင်းမြစ်များ

SAMUEL INHNINA 12:11

Na-innshungtak a inphut mi inkhat in nachunga bōina nakapek sik a kahong masō sik. Nanga inphut nanuhmeihei kalosōt a mihlop kapek pha khan nang in nahmu sik jo; ama’n anmani kha sûnṭim laia rakhum a’nchunpui sik hei.

HLAHEI 119:25

Mihei torna vaiphin kâra kaje jo eng; naṭong tepna kapōa, ajōng mathōi nôk roh!

HLAHEI 138:7

Khōdeng theina’n kei akachûm jo eng pha inhuk a nada eng. Hnuk kana kei inrepuihei kha nang in nadōi hei khana nahratna vâng khan nahuksōt eng.

HLAHEI 16:10

ajârchu thina ratha neina inphut nakhar eng. Taksen theitak a ke’n karazen jo che. Nang in kei kathirama adahlon mak che ning

HLAHEI 60:3

Namihei kha khōdeng namanthei hêr jo hei; ju inrui kapōa keini kanhek kanhek a kalôn jo ung.

HLAHEI 60:5

Nahratna vâng khan ahuksōt roh; kanderna amasôn roh, nalungset mihei kha huksōt anchen theina sik a.

HLAHEI 80:18

Nanga inphut inhe nôk hêrmak jo ni’ung; kahringa ada roh, nang kanchoi ka-ân sik che.

HLAHEI 85:6

Kanratha amanngarpek nôk roh, nami keini’n kanchoi ka-ân sik che.

HLAHEI 86:13

Nalungset inthlengmak kha kei sik heituk a akalen jo mo! Thlânkhura inphut nahuksōt jo eng.

HLAHEI 95:4

Ama’n raleichung pumpui, khur inthûkpena inphut hmebung inshângpen hei chunga vai arôn.

ISAIAH 26:19

Kanmi aleikathi jo hei kha hongkahring nôk sik hei! Antaksa hei hongkahring nôk sik. Anthlâna aleikaje hei seng kathōisōt sik hei khana inpâk hla anhongsak sik. Radaitui akadi rik-rak in ralei amahlimseng kapōa, Rōngpu’n kasôttak a aleikathi jo hei kha amanhring ther nôk sik hei.

ISAIAH 38:17

Kamalung inrimna kha malung mōngna inle sik, Nang in kahringkhō insuksetna thei hei senga inphut nahuksōt jo, Kasetna rakip narangei mandam jo eng.

JONAH 2:6

Hmebung ketak a vakatlung eng, ahei tik a kot a’nkhar ṭhakna ram a khan. Tâk-kha, O Rōngpu ka-Pathen nang in tui inthûkna inphut namanhring nôk eng.

MARK 15:34

Pung 3 a Jesu kare inhnaktak a ka-ônga, “Eloi, Eloi lema sabachthani?” ati, khavakha, “Ka-Pathen, ka-Pathen, heisa mo nadahlon eng?” tina kae.

ṬŌNTLOHEI 2:24

Tâk-kha Pathen in ama kha thina inphut akei mathōi jo, khava ratha neina inphut a amasō jo; ajârchu ama kha thina khan akhum tor sik leichang mak.

EPHESIANHEI 4:9

Tûn, “ama kaketou” inti hi heitina mo? Hiva tina hichu ahma inkeitak a ralei thōi intongpen hmun a ama jōng kaṭum tina kae.

ṬONGPHÔNG 7:14

“Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.

SAMUEL INKHATNA 2:6

Rōngpu’n mi athat hei, khana amanhring nôk hei; ama’n mihei kathirama atir hei, khana aheiṭhōi male nôk hei.