4 Nahnenga akahong rakip hei kha inpâk hei sona hōi hei rasoh. Nahuk sōtna jâra manpâkna anikapek rakip khan ahei tik a “Pathen hi heituk a akalen mo!” ti hei rasoh.
Ke’n maset kachen makna kha ani kahmu hnōm hei khan inpâk a ông hei sona, ave-avea hinga hri hei rasoh, “Rōngpu hi heituk a akalen mo! Asōkpa chung sōkna khan amalung katlâi.”
Nahnenga akahong rakip inpâkna leh tlaina kasip chang hei rasoh! Nang hukmanhringna jâra manpâkna kapek rakip in, “Rōngpu kha heituk a akalen jo mo!” ti hei rasoh.
Tâk-kha nanga inhukna kahmu rakip inpâk sik hei; anmani’n tlaina hla ansakṭhak sik. Nang inlungset hei kha hrung hei roh. Nang jâra anmani kadiktak a a’npâk hei kae.
Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.