HLAHEI 7:9 - LEKHARABU INTHENG (BSI)

⁹ Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

HLAHEI 7:9 ပူးပေါင်းရင်းမြစ်များ

A’NPHUTNA 20:5

Abraham atak-khet in amanu hi kasernu ati kae khana amanu’num khanga aleiti tlit kae. Hivahi ke’n malung inthengtak a kaleitlo kae, kei ṭhena heite neimak eng.”

RENGHEI INKHATNA 8:32

O Rōngpu, marvâna inphut heirangei roh khana nasōk-hei kha ṭong tan roh. Ṭhena kaneipa kha arahōi hrep a karâk roh, khana ṭhena kasepa kha mandik roh.

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

HLAHEI 10:15

Mikaṭhamak leh malung kadikmak hei ratha neina kha vōktanpek hei roh, dikmak antlo jâra karâkna pek hei roh khavakha avea antlo nôk makna sik a.

HLAHEI 10:18

Nang in nu leh pa kasehei leh suk manrim hei ṭap rasa nathei pek sik hei; khana akathithei mihring he’n ṭit-inpirna avea antlo makna sik anmani ôna ṭong natan sik.

HLAHEI 11:5

Ama’n mikaṭha leh mikase in-angtlinga a-enmansin hei; dân kajuimak hei kha amalung pumpuia amater hei.

HLAHEI 139:1

Rōngpu, nang in na-enmansin eng khana namanhret eng.

HLAHEI 17:3

Nang in kamalung namanhret. Jân a kahnenga kahong che; pui katluk a na-enmansin jo eng, khana ṭhatmak madu rangeina kahnenga hmumak che. Kei ṭongse hrimak eng,

HLAHEI 18:21

Rōngpu dân kha ke’n kajui jo; ka-Pathen hnenga inphut kahmai mahe mak jo eng.

HLAHEI 26:2

A-ensin ina a-ensui roh, Rōngpu; kamalung mandon leh kamadu rangei hei ente roh.

HLAHEI 35:23

O Rōngpu, thōi ina asan roh, ka-Pathen, thōi ina kaṭong ahri pek roh.

HLAHEI 37:23

Rōngpu’n mihei kha ansena sik hlam a aṭhōi hei. khana amalung tlaina katlohei kha ahrung hei.

HLAHEI 40:2

Ama’n kei bōnnâng khura inphut, thinathei khur kōk a inphut akeisōt eng, ama’n hlungpui chunga aman ong enga inhukna kha amannei eng.

HLAHEI 43:1

Eh Pathen, ṭhenakase kachang amalârpek roh, khana Pathen kaṭitmak heia inphut ahuk roh; mikaṭhamak-hei leh malei kasei heia inphut akatlensōt roh!

HLAHEI 44:21

namanhretsōt nger sik ung, ajârchu nang in keini lungri mandonna nahmu sōa kae.

HLAHEI 58:6

Eh Pathen, hiva ṭit ka-om tak shabakkaihei ha kha vōk mathlek pek hei roh.

HLAHEI 9:9

Rōngpu kha suk manrima aka-om hei inthupna kae, bōina a-om pha inhukna hmun inkhat kae.

HLAHEI 96:10

Jât rakip hneng hri ruh, “Rōngpu hi reng kae! Ralei hi hmun kahnettak a ada, inhlingtor mak ning; ama’n mipui chunga kadiktak a ṭong atan sik.”

HLAHEI 96:13

raleichung vai karôn sik a Rōngpu kha ajōng pha. Ama’n raleichunga amihei kha kadik leh kaṭhatak a vai arôn sik jo hei.

HLAHEI 98:9

ajârchu ama kha raleichung vai karôn sik a kajōng! Ama’n ralei mi rakip chunga akadik leh akaṭha vâng vai arôn sik.

JEREMIAH 11:20

Khava sōa ke’n kader, “Chunghnung Rōngpu, nang chu akadik ṭongkatan che kae; nang in mihringhei malung leh antamandon na-enmansin kae. Kei chunga ṭong ka-om hei hi nakut a kapek che, khava jâra hiva mihei chunga phu nahlō pek sik eng kha ke’n en che rong.”

JEREMIAH 17:10

Rōngpu ke’n, mihring mandonna kajong hei, mihring malung ka-enmansin heia kae. Ke’n mi inkha-khat hi an-omchen dungjuia anṭōntlo dungjuia karazen hei.”

JEREMIAH 20:12

Tâk-kha Chunghnung Rōngpu nang in mihei kadiktak a na-enmansin hei; nang in anmalung leh anmandonna kha namanhret. Khava jâra kei ani kadōihei chunga phu nahlō kha hmu che rong, ajârchu kei inphinna ṭong hi nakut a kapek jo che kae.

DANIEL 11:45

Ama’n tuipui leh Bek-inn omna tlâng ankâra reng pōn-inn kalen tatak heia’m amatung sik hei. Tâk-kha ama kabôm sik tûte omloa ama kathi sik jo.”

ṬŌNTLOHEI 12:23

Herod khan Pathen kajana leh lulenna apek mak jâra, khavatak a Rōngpu ngeva’n avōk mathlûk a khang’khan rahlung in asâk a kathi jo.

ROMANHEI 16:25

Eini’n Pathen hneng lûrna kha perih! Nangni taksenna kha Jesu Christa chunga Ṭong kaṭha kahrile dungjuia leh khava kum kasôttak ale’nthup a ka-om a’n-ip ṭong kadik a’nphôngsōt dungjuia ama’n kahnet a amanngir tor cheia kae.

THESSALONIANHEI INKHATNA 3:13

Hing’hin nangni ratha amanngarpek sik chei, khana ni-Rōngpu Jesu kha amihei seng leh inṭhōia ajōng pha, ni-Pa Pathen hmaikunga nangni a’ntheng leh pui katluk kachang sik jo chei.

PETER INKHATNA 5:10

Tâk-kha nangni’n pha bongkhat inrimna nande pha, Christa leh inchunna shunga kumsôt a lûrna kachen sik a nankabekpa, Pathen amatak in pui amathluk sik chei khana akahnet, ratha kahrat, ngirna hmun inkhat apek sik chei.

JUDE 1:1

Jesu Christa sōk, James naipa Jude a inphut Jesu Christa takahuk hei leh– Pa Pathen lungsetna shunga aka-om, Pathen tabek hei hneng kaheimazet kae:

ṬONGPHÔNG 2:23

Mihring malung mandon leh tamadu rangei inhret kei kachangna hi bekrup rakip in anmanhretna sik, amanu sahei kha kathat sik jo hei. Nangni’n nantatlo dungjui et a ke’n nankhenga kamale sik chei.

SAMUEL INKHATNA 16:7

Tâk Rōngpu’n ahnenga ati, “Heituk a’nshânga ahme aṭhat inum malung manhlut mak roh. Ke’n ama rahlâng mak eng, ajârchu mihei ta-en kapōa ke’n enmak eng. Mi’nchu avânga ahmesō an-en, ke’nchu anmalung shunga ka-en kae.”

SAMUEL INKHATNA 2:9

“Ama’n taksenthei kachang mihei hringkhō kha ahrung, tâk mikaṭhamak-hei khachu inthim thōia inhmanghei; mi inkhat hi arathahrat vânga hme asō changmak.