HLAHEI 68:7 - LEKHARABU INTHENG (BSI)

⁷ Eh Pathen, namihei nachinglai hei, nêrdiramthōi nahong rakan puilai hei khan chu

HLAHEI 68:7 ပူးပေါင်းရင်းမြစ်များ

HLAHEI 107:34

Khava hmun a ka-om mihei kha anṭhatmak jâra anram ralei thai omna kha chi ramthōi amanchang pek hei.

HLAHEI 146:7

mi takahnur hei kasan a ṭong atan, von kaṭâm hei kha bu apek hei. Rōngpu’n khuma ka-om hei kha amasō hei

SŌKSŌT 13:21

Khang’khan sûn leh jân anse theina sik a, Rōngpu kha sûna anhma a sumtuk kacho inkhat a, anhlam intheia, leikase khana jâna hmei kacho inkhat a vâr kapek sik a anhma a leikase.

ISAIAH 61:1

Chunghnung Rōngpu’n arathla intheng amansip eng. Ama’n kei akadei enga atir eng, Sarahei hneng ṭong kaṭha karôn sik, Malung kakōi hei indam sik, Rehringa khum hei masōsōtna kaphông sik, Khana kurkhum a ka-om hei ning leh hnōma masōna sik.

MICAH 2:13

Pathen in anmani sik hlam amahlâng pek sik hei khana rehring sura an-omna inphut aheiṭhōisōt sik hei. Anmani khōpui kot khâr kha anvōkkhōia kasōksōt sik hei. Anrengpa, Rōngpu khet in aṭhōisōt sik hei.

DÂNRABU INHNINA 4:34

Egypt ram a Rōngpu nan-Pathen in atlo kapōa, mipui inkhat kha jât-hlop inkhat heia inphut akalosōt sik leh ami khet manchangna sik a akase hnōm kha tu pathen inmo atlo jo? Nanhmai kung khet a ama ratha hratna leh atorna aleihmang jo; ama’n hrise leh re alei mansōk, mêrchîkna leh det-hla ka-om, khana ṭit ka-om tak alei mansōk hei.

ṬONGKATANHEI 4:14

Khava sōa Deborah’n Barak hneng ati, “Se roh, Rōngpu’n hlam akei che! Tuning Sisera chunga torna apek jo che.” Khana Barak in Tabor Tlânga inphut ami 10,000 hei leh kasesuk jo.

ṬONGKATANHEI 5:4

Eh Rōngpu Seir tlânga naheidahlon pha, Edom ramkeia inphut niheisōk pha, Simlei innok, bōirōk a inphut khō jōng kasûr. Kadik, sumtuk a inphut khōtui ajōng bun.