HLAHEI 62:8 - LEKHARABU INTHENG (BSI)

⁸ Kamihei, pha rakip a Pathen kha taksen ruh! nankhōdeng theina rakip hei kha manthei ruh; ajârchu ama hi ni’n-ungna kha kae.

HLAHEI 62:8 ပူးပေါင်းရင်းမြစ်များ

JOB LEKHARABU 13:15

Ka’nhōrna rakip inhmangpet jo, Pathen in athat eng inchu heidôm sik mo? Kaṭong hi ahnenga kamathlung sik jo.

HLAHEI 102:1

O Rōngpu, kaderna arangei pek roh, khana inṭangpui sik a ka-ôngna kha athei pek roh!

HLAHEI 142:2

Kamalung tlukmakna rakip kha ahnenga kahri; ka’nrengna rakip kha ahnenga kamanthei.

HLAHEI 18:2

Rōngpu kha ka’nhrungna kae, ama kha karekur kahnettak kae. Ka-Pathen kha kei inhrungna kae, khana ama hnenga chu inhukna kanei. Ama’n pho inkhat kapōa ahrung eng; ama’n atingpek eng khana ahuk eng.

HLAHEI 3:4

Ke’n inthōpuina sik Rōngpu kabek, atlâng inthenga inphut ahei masôn eng.

HLAHEI 37:3

Rōngpu kha taksen roh khana akaṭha tlo roh; ram shunga khan om ina hringna chen roh

HLAHEI 42:4

Pha kasesa hei kha ke’n kamandonsōt a kamalung kakōi, ti chu Pathen inna mipuihei leh inṭhōia kanselai khana mipuihei kha hlam hmakakei heia kajōnpuilai hei, ning kaṭha mipuihei khan hla ansak a, ka-ông heia Pathen anmanpâk.

HLAHEI 46:11

Chunghnung Rōngpu’n a-ompui me; Jacob Pathen kha ni’nthupna kae!

HLAHEI 46:2

Khava jâra ralei a’nnok inum, hmebunghei tui-ôngpui shunga anhlutsō jo’num;

HLAHEI 71:7

Kahringkhō hi mihei sik a tekhing inkhat kae, ajârchu nang chu akahrat ani kasenpa che kae.

HLAHEI 91:2

hinga antitor, “Nang ani ka-un leh anikasen che kae. Nang ka-Pathen che, nahnenga kataksen che.”

HLAHEI 94:22

Tâk-kha Rōngpu’n kei asan eng; ka-Pathen in kei ahrung eng.

ṬONGCHÎK-HEI 14:26

Rōngpu kajana nei hin mi inkhat innshung leh abinga sik a inngamna leh inhrungna apek.

ISAIAH 26:16

Rōngpu, nang in namipuihei karâkna napek hei, inkōipuma nahnenga ander che.

ISAIAH 26:4

Rōngpu kha ahei tik a taksen ruh; ama’n ahei tik a ahrung sik me.

ISAIAH 50:10

Nangni Rōngpu kajana kanei seng, khana asōkpa ṭong kajuihei seng, nanhlam hro kha inthim thei sik, tâk-kha Rōngpu taksen ruh, nan-Pathena in-ngai ruh.

ṬAJAISUINA 2:19

Jân kathang ave-avea har ina, Rōngpu hneng ông roh; Namalung pek manhlut ina nasahei sik a lungsetna kha inder roh Hlamdung rakir rakip a naipanghei kha sâk lo inloa kathi jo hei!

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

HEBREWHEI 6:18

Hiva thlengthei kaemak 2 hi ka-om hei, khahei chunga Pathen amalei seitor mak. Khava jâra ama leh inhukna kachen jo me eini hmaikunga inhōrna adapek me kha kahnet a nimatu tlitna sik inhnaktak a amathok me kae.

JOHN INKHATNA 2:28

Kadik, kasahei, ama leh inchun a omṭhak ruh, kha achang inchu, ama ahon’lâr ajōng ning Kani khan pui katluk inngamna kha ninei sik khana ahmai kunga inphut inzak a inthup sik kha rangei mak ning.

SAMUEL INKHATNA 1:15

“Changmak, kei ju inruimak eng, apu,” tia amasôn. “Kei ju inmak eng! Kei malung inreng mi eng kae; kei derna kanei kae, ka’nrengna Rōngpu hneng kabun mathlâk kae.