HLAHEI 59:13 - LEKHARABU INTHENG (BSI)

¹³ Nahnuknat vâng khan suk manhmang hei roh; pui katluk a suk manhmang hei roh. Khan chu, Pathen in Israelhei chunga vai arôn, khana avai rônna kha raleichung pumpuia katlung ti kha mi rakip in anmanhret sik jo.

HLAHEI 59:13 ပူးပေါင်းရင်းမြစ်များ

RENGHEI INHNINA 19:19

Tûn, Rōngpu kan-Pathen, vânhnōia jât rakip in nang rōk Rōngpu Pathen che kae tia anmanhretna sik a, Assyrianheia inphut keini ahuksōt roh.”

HLAHEI 10:7

Anbeisō kha hâksêrna hei, maleiseina hei, khana mi maṭhitna kasip hei; anmani ṭongse hrina leh akaṭhamak ṭonghrina inrang hei.

HLAHEI 104:35

Raleia inphut mikaset-hei kha suk manram chang hei rasoh; mikaṭhamak-hei kha om hêrmak jo hei rasoh. Eh karathla, Rōngpu kha choi ka-ân roh! Rōngpu kha choi ka-ân roh!

HLAHEI 109:17

Ama’n hâksêr sik amadu mi kha, hâksêr chang rasoh! Ama’n vângṭhat pek sik ahōt mi kha, tûte’n vângṭhat pek mak rasoh!

HLAHEI 59:11

That mak hei roh, Eh Pathen, anthibât inchu kami he’n anmahngi bât sik che. Khava kanek a chu, O Rōngpu, kankasanpa, narathahrat vâng khan kathek hei ina torcher hei roh.

HLAHEI 64:9

Ankhenga kaṭi sik jo hei, Pathen taleitlo kha anmandon sik jo, aṭōn leitlo hei kha anhri sik jo.

HLAHEI 7:9

Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

HLAHEI 83:18

Anmani’n nang rōk kha Rōngpu che kae, raleichung pumpuia ratha kaneipen vaikarôn che kae ti kha manhret hei rasoh.

ṬONGCHÎK-HEI 12:13

Mikaṭhamak-hei chu anṭonghri kalan a in-ôk hei, tâk malung intheng mihei chu khōdeng theina inphut kasōksōt hei.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

EZEKIEL 39:7

Kami Israel he’n karahming intheng hi anmanhret khetna sik a katlo sik, karahming hi avea hmesetna manchen mak ning. Khava sōa jât he’n Rōngpu kei hi Israelhei a’ntheng Pathen kae tia anmanhret sik eng.”

DANIEL 4:25

Nang hi mihringhei kâra inphut hnongsōt sik che kae khan ramshahei leh kalengsap sik chei. Kum 7 sehratche inkhat kapōa phi nasâk sik, ramhânga karek sik che, khana nachunga radaitui katla sik. Chunghnung Pathen in mihring rengram rakip chunga vai arôn, khavakha ama’n akadeisōt mi inkhat hneng apektor ti kha kahnōm sik jo che.

MIJAHEI 32:13

Rōngpu kha mipuihei chunga ahnuk kana joa, khava khanga amalung intlaimak hei seng kha anthisō mak kârseng ram thōia kum 40 alei manlônle heia kae.