HLAHEI 53:6 - LEKHARABU INTHENG (BSI)

⁶ Ziona inphut Israelhei hneng torna kha ajōngna sik heituk-hrep mo kader. Pathen khan nei leh haona avea amanpung pek hei pha Israel mipuihei kha heituk a akahōi sik jo hei mo!

HLAHEI 53:6 ပူးပေါင်းရင်းမြစ်များ

EZRA 3:11

Anmani’n Rōngpu manpâkna hla ave-avea anmalet a hinga ansak: “Rōngpu kha kaṭha, Israel alungsetna kha kumleikōa kae.” Mi rakip in antor chenna kapeng heia Rōngpu kha anmanpâk, ajârchu Bek-inn sakna sik innhmun andeng manphut jo.

NEHEMIAH 12:43

Khava ning khan inthoina katamtak le’ntōk, mihei kha Pathen in ningṭhatna apek hei jâra inpâk hranghra hei. Nuhmei naipanghei reveia khan inchun et hei, an-inpâk rasa akahlatak a inphut intheia kae.

JOB LEKHARABU 42:10

Khava sōa, Job in aṭhōn 3 hei sik a adersōpek hei pha, Rōngpu’n ama kha amanhao nôk jo, ama’n hma a aleinei kanek a chen hnia apeksa jo.

HLAHEI 14:7

Ziona inphut Israel torna kha heikhong mo akajōng sik tia kader. Rōngpu’n amanhao nôk hei pha Israel mipuihei kha heituk a a’npâk sik hei mo!

HLAHEI 50:2

Akaṭha pui katluk khōpui kalen Ziona inphut Pathen in avâr ajōngser.

HLAHEI 85:1

Rōngpu, naram kha lungset a naleirôn Israel kha mikahao naman chang nôk.

ṬONGCHÎK-HEI 28:1

Mikadik mak chu tûte’n anhnongmak inum katlânsōt a kae, tâk malung intheng mi chu shabakkai kapōa kahrânga kangam sik.

ISAIAH 12:6

Ziona ka-om rakip in hla sak hei sona ông hei rasoh! Israel a’ntheng Pathen hi akalen kae, khana ama amihei kâra ka-om.”

ISAIAH 14:32

Philisti inphut ṭongkarôn nihnenga akahong hei kha heikhong mo nimasôn sik hei? Rōngpu’n Zion hi aphunsōt jo, khana ami inreng he’n khana khan inhukna anchen sik tia nimanthei sik hei kae.

JEREMIAH 30:18

Rōngpu’n ahri, “Kamihei kha anrama kaman om nôk sik hei, innshung rakip kalungset sik hei; Jerusalem sakmanther nôk sik kae, areng-innpui matung nôk sik kae.

JEREMIAH 31:23

Chunghnung Rōngpu, Israelhei Pathen khan ahri, “Ke’n mihei kha anrama kaheiṭhōi male hei pha, Judah ram a leh ankhōpui heia, anmani’n, ‘Rōngpu’n Jerusalem hmebung intheng, a-omna hmun intheng kha mahâmṭhat pek rasoh,’ anti nôk sik.

JOEL 3:1

Rōngpu’n ati, “Khava pha khan ke’n Jerusalem leh Judah hei khangsōtna kha kapek male sik hei.

LEVI-DÂN 26:17

Nangni kadōia kahnget sik chei, nangni torna sik a, nanka-en kada he’n nanchunga vai anrôn sik; khang hrep a kaṭi sik chei khachu tûte’n anhnongmak chei inum inpera katlân sik chei.

LEVI-DÂN 26:36

“Miram a ka-om nangni ṭit kasip a kada sik chei, thli tasêm thingbō rasa bek khan katlân sik chei. Re shunga re tahnong kapōa katlân sik chei, nan-inrepui he’n nanhnenga an-om mak pha’m katlu inpai sik chei.

AMOS 9:14

Kamihei anrama kaheiṭhōi male sik hei. Ankhōpui insetsō hei kha ansyem manther sik, khan ka-om sik hei; vomhrui rahōn ansyem sik a kha khava theiju kha an-in sik; Rahōn ansyem sik a kha antaling kha ansâk sik.