HLAHEI 53:3 - LEKHARABU INTHENG (BSI)

³ Tâk-kha anmani ankhenga inhesōtpet jo hei; ankhenga in-ang et a ṭhamak hei. Ankhenga akadik katlo om mak hei, inkhatbek om mak hei.

HLAHEI 53:3 ပူးပေါင်းရင်းမြစ်များ

SAMUEL INHNINA 20:2

Khava jâra Israel he’n David kha andahlona Sheba leh kasesap jo hei, tâk Judah he’nchu David kha lum anloa Jordana inphut Jerusalem katlung anjui jo.

JOB LEKHARABU 15:16

Tui kapōa mihe’n akaṭhamak kha an-in; kadik, anmani intheng mak hei, hnemna kase hei kae.

HLAHEI 14:3

Tâk-kha anmani ankhenga dikmak jo hei; anmani ankhenga in-ang et a ṭhamak jo hei. Akaṭha katlo inkhatbek om mak hei, om hêrmak hei.

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

ISAIAH 64:6

Keini kankhenga mi kasettak leikachang ung; kanṭōn tlosōt akaṭhapen hei kapha kha’m akachok dâk kapō kae. Kansetna hei jâra thingbō invōia thli’n asêm manjōng kapō kachang ung.

EZEKIEL 36:25

Nanchunga tui intheng kakathing thlōn sik chei khana nanlim rakip leh bukna nankape rakip a inphut kasuk mantheng sik jo chei.

ZEPHANIAH 1:6

Keia inphut akasesōt khana kakahnung kajuimak hei, kahnenga akahongmak hei khana anhlam keipekna sik a ani kader mak hei kha kasuk manhmang sik hei.”

ROMANHEI 3:12

Anmani ankhenga Pathena inphut inhesōt jo hei; anmani ankhenga anṭhepet jo; tûte inkhat in akadik tlomak, inkhatbek om mak.

CORINTHIANHEI INHNINA 7:1

Kaṭhōn marit hei, hihei seng hi eini hnenga aṭongtep kha kae. Taksa leh rathla a’ntheng makna inphut nibing et a inthengsōt rih. Khava jâra Pathen kaṭittak a om me sona, pui katluktak a inthengna sik jong rih.

JOHN INKHATNA 2:29

Christa kha akadik kae ti nanmanhret; kha achang inchu akadik katlo rakip kha Pathen sahei kae ti hi nantamanhret sik kae.

JOHN INTHUMNA 1:11

Kasōpui marit, akaṭhamak kha inchu mak roh, tâk akaṭha kha inchu roh. Tu achang inum akaṭha katlo kha Pathen ta kae; tu achang inum akaṭhamak katlo khan Pathen lahmu mak.

ṬONGPHÔNG 22:11

Tu achang inum mikaṭhamak khan ṭhatmak khanga atlo manjōm nger sik, khana a’nthengmak katlo khan khanga a’nthengmak atlo manjōm nger sik kae; akaṭha khan akaṭha khanga atlo manjōm nger sik, khana a’ntheng khan khanga a’ntheng atlo manjōm nger sik kae.”