HLAHEI 51:14 - LEKHARABU INTHENG (BSI)

¹⁴ Kahringkhō hi aṭhen pek roh, Eh Pathen, khana ahuk roh; Ke’n nadikna kha inpâktak a kaphôngsōt sik.

HLAHEI 51:14 ပူးပေါင်းရင်းမြစ်များ

A’NPHUTNA 42:22

Reuben in, “Ke’n ninai kha tlomanset mak rih kalei ti chei; nangni’n leirangei mak chei. Tûn ama thina man kha eini a’npe male jo me kae,” ati.

A’NPHUTNA 9:6

Mi inti hi Pathen lim a a’nsyem kae, khava jâra tu mo inkhat in ama kha athat jo’nchu mikathat kha’m mihlop inkhat in athat sik kae.

SAMUEL INHNINA 12:9

Khan chu, heisik a mo kaṭong pek najuimak? Heisik a mo hiva ṭōn kaṭhamak hi natlo? Nang in Uriah kha rehmun a namanthat hei; Ammonhei namanthat hei, khana anuhmei kha na’nlo?

SAMUEL INHNINA 21:1

David vairôn shunga, kum 3 set ṭâm inhnaktak leikatla. Khava jâra David in khava chunga Rōngpu ngekna anei, Rōngpu’n ati, “Saul leh a-innshung in mi anthat jâra ṭhena annei; ama’n Gibeon mihei aleithat hei.”

SAMUEL INHNINA 3:28

David in ṭong kha athei pha ama’n ati, “Kei leh kamihei chu Abner anthatna chunga hin ṭhena nei hêrmak ung ti hi Rōngpu’n amanhret.

EZRA 9:13

Keini setna leh ṭhena jâra karâkna kanchensō katlunga, kan-Pathen nang in kanrahōi kasōk hrep kanek a akatlômdet vânga karâkna napek ung khana akahring sik a nalahnōm pek ung ti hi kanmanhret a kae.

NEHEMIAH 9:33

Keini karâkna pekna sik a akadik kha natlo jo; keini kanset jo tâk inum nang chu taksenthei kachang che.

HLAHEI 25:5

Nadikna dungjuia hringna sik amanthei roh, ajârchu nang chu kakahuk inhring ka-Pathen che kae. Ke’n ahei tik a kataksen che.

HLAHEI 26:9

Mikaset-hei leh asuk manhmang sap mak roh; mikathat-hei vângset chen sik a inphut aṭhensōt roh.

HLAHEI 35:28

Khava pha ke’n nadikna kha kahri manthang lele sik, khana ani tina kamanpâk ṭhak sik che.

HLAHEI 38:22

O Rōngpu, kakahuk inhringpa, tûnhin a’nthōpui jo roh!

HLAHEI 55:23

Tâk-kha, Eh Pathen, nang in mikathat-hei leh malei kaseihei kha anhringkhō aṭim khatbek um atlang mak lai anthlânkhur shunga naṭhōi manhlut sik jo hei. Ke’nchu, nang kataksen ṭhak sik che.

HLAHEI 68:20

Eini Pathen hi akahuksōt Pathen kha kae; ama hi Rōngpu, ni-Rōngpu, thia inphut ani kahuksōt kae.

HLAHEI 88:1

Rōngpu Pathen, ani kahuksōtpa, sûn nilun kaṭap eng; khana jân a nahnenga kahong eng.

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 45:17

Tâk Israel chu Rōngpu’n ahuk a kae, khana aretorna kha are-rea sik kae; amihei kha ahei tik a themmôna chenmak hei ning.’”

EZEKIEL 33:8

Ke’n setkarôn inkhat kathi sik jo tia gîkna kapek pha, ama hringkhō hukna sik a, amalung athlengna sik a, gîkna kha napek mak inchu, aset pum a kathi sik jo, kha achang inchu ama thina kha nang ṭhena kamanchang sik.

DANIEL 9:16

Nang in keini hmalai khan naleihrung jo ung, khava jâra Jerusalem chunga nahnuk mannat mak jo roh. Hivahi nakhōpui, a’ntheng nahmebung kae. Keini setna leh kanpu sōnhei ṭhatmak jâra sir leh panga ram he’n Jerusalem leh namihei chunga anhmu masi heia kae.

DANIEL 9:7

Rōngpu, nang chu ahei tik a akadik natlo, tâk keini’n ahei tik a kanbinga inzakna kanhei rôn sōt a kae. Nang in akahnai leh akahla ram shunga nachai kathek jo Israel rakip, Jerusalem leh Judea ram shunga aka-om keini rakip chunga hivahi akadik jo kae, ajârchu anmani nahnenga taksenthei changmak heia kae.

HOSEA 4:2

Anmani’n intepna hei ansyem khana anvōkkhōi bât; maleisei, mithat, inru, jông leh kik antloa kae. Invōk-inthat hong katam jo, mihring inthat hi inkhat bânna inkhat hong kapung jo.

HABAKKUK 3:18

kei chu inpâkna leh ningṭhatna kasip sik eng, ajârchu Rōngpu Pathen kha kakahuk inhring kae.

ṬŌNTLOHEI 18:6

Anmani’n achunga dōina leh ṭongse anhri pha ama’n atheikada a apōna vaiphin kha akathing thlōn heia hing’hin ahri pek hei, “Nangni nan-inhmang inchu, nanbinga maset nanta’nrôn sik kae! Ke’n mô kha rônmak ning. Tûna inphut chu Jât-hlop hei hneng kase sik jo eng.”

ṬŌNTLOHEI 20:26

Khava jâra tuning chu kakhôktak a kaphôngsōt jo kae, nankâra tu mo inkhat a’nhmang inchu ke’n rahno rônmak jo eng.

ROMANHEI 10:3

Pathen in ama leh kadik a dasapna sik hlam asyem kha anmani’n leimanhret mak hei, khava kahlânga anmani’n anbing tamaduhrep hlam an-insyema insaler hei; khava jâra mihring mandikna sik a Pathen hlam syema khan inpek inhlutmak heia kae.