HLAHEI 5:9 - LEKHARABU INTHENG (BSI)

⁹ Ka’nrepuihei tahri kha taksenthei chang hêrmak: anmani’n suk manhmang sik rōk anmadu. Anbeisō kha kahōia inne, tâk thitheina mihōnna kasiptak.

HLAHEI 5:9 ပူးပေါင်းရင်းမြစ်များ

EZRA 8:21

Ahava Tuidung hnenga kankhenga kan-Pathen ângshunga buhngōina sik, insinsakna sik khana kanhlam hrona anichingna sik, kansahei leh kankarōi rakip chunga anihrung pekna sik a derna sik a ṭong kamasō jo.

HLAHEI 27:11

Rōngpu, namantlo hnōm eng kha amanthei roh, khana hringna hlamting khan aṭhōi roh, ajârchu inrepui hingja kaneihei.

HLAHEI 51:6

Malung intheng leh akadik kha nang in namadu; nasingna kha kashunga ada mansip pek roh.

HLAHEI 52:2

Milak-hei inhmangna sik namantluk; namalei kha chem kangeijap kapō kae. Maleisei ṭong nakeisōṭhak a kae.

HLAHEI 62:4

Ama kajana hmun a inphut keimathlâk sik rōk kha nanta madu kae; maleisei kha akahōia nansak. Mahâmṭhat ṭong chu nanhri, tâk nanlungria chu ama nanhâksêr.

HLAHEI 62:9

Mihring hringkhō hi kaphuk masakhat kapōhrep kae. Kasin-kalen in-angtlinga hnemna kase kae. Atena hmangchâk chunga makhei hei ruh heite’m hrikmak hei ning, kaphuk masa inkhat kanek a kayâng jôk hei.

HLAHEI 64:6

Akaṭhamak anmantluk a khana anti, “Pui katluk inse innâkna nimantluk jo.” Mihring malung leh mandonna hei hi a’n-ip inkhat kae.

HLAHEI 69:19

Khonghrep mo inzak antapek eng, khonghrep mo hmesetna leh kajamakna antanei eng kha namanhret; kei inrepui rakip hei kha nahmuhei.

ṬONGCHÎK-HEI 29:5

Naṭhōnhei nahōn he’nchu, nabinga na’n-ôkna sik châng na’nkam kae.

ISAIAH 26:7

Rōngpu, nang in mikaṭhahei sik a hlam namanne pek hei; anhlam hro namancham pek hei.

JEREMIAH 17:9

“Tu’n mo mihring malung amanhret tor sik? hiva kapō mikahōn alak heite om mak, hiva nat mandam sik hi inri hêr jo.

JEREMIAH 4:14

Jerusalem, nang inhuk theina sik a, namalung kabōk kha sôp jo roh. Heituk kasôt mo setna lungthim rōk namandon hi sik?

MICAH 6:12

Mikahao nangni he’n misarahei nanmanbōi heia kae, nangni nankhenga malei kasei chei kae.

LUKE 11:39

Khava jâra Rōngpu’n ahnenga, “Tûn nangni Pharisee chei’n kōklei leh thlenghei avângting chu nankanôt mantheng, tâk nanshungting chu innâk-inse tlona sik leh ṭhatmak kasip phet chei.

LUKE 11:44

Heituk ṭitpek aka-om chei mo! Nangni hi a’nhmusōt mak thlânkhur, mihe’n manhret loa achunga lôn lelena antanei kapō chei kha kae.”

ROMANHEI 3:13

Anṭonghei kha thinathei mihōnna kasip; ṭhatmak maleisei in anmalei kha ahmang, anbeia inphut mari tûr kapō thinathei ṭong kasōk;

THESSALONIANHEI INKHATNA 2:5

Keini ṭonghri themna vâng nanhnenga akahong ung changmak, khan chu kan-inphâmna makhuna sik ṭongkahri kha’m changmak ung ti inchêna nanmanhret, khava chunga Pathen kansâkhi kae!