HLAHEI 49:15 - LEKHARABU INTHENG (BSI)

¹⁵ Tâk-kha Pathen in kei chu ahuk sik eng; thina ratha hratna inphut akeisōt sik enga kae.

HLAHEI 49:15 ပူးပေါင်းရင်းမြစ်များ

A’NPHUTNA 5:24

Ahringkhōa Pathen leh inṭhōia leika-om. Khava bânna chu ama inhmu mak jo, ajârchu Pathen in ama kha aṭhōisōt joa kae.

HLAHEI 31:5

Nang ta-ensui sik a kabinga nahnenga inpek sōt eng, Rōngpu, nang in nahuk sik eng; nang chu taksenthei Pathen che kae.

HLAHEI 56:13

ajârchu thina inphut a nahuk eng, khana mihei torna inphut a nasansōt eng. Khava jâra akahring hei chunga akavâr vâr shunga, Pathen omna hmun a khan kei kalôn eng.

HLAHEI 73:24

Namansena vâng naṭhōi ṭhak eng, khana achaiting chu kalûrtak a narahlâng sik eng.

HLAHEI 86:13

Nalungset inthlengmak kha kei sik heituk a akalen jo mo! Thlânkhura inphut nahuksōt jo eng.

HLAHEI 89:48

Tu mo thilo hêra akahring ṭhak a ka-om tor sik? Heikhong mo mihring in anbinga thlâna inphut a’nphesōt thei sik hei?

HOSEA 13:14

Thina raleia inphut hiva mihei hi hukmak hei ning, khana thina ratha hratna inphut hukmak hei ning. Eh thina, nang hrise thina kha heimathlung jo roh. Nang suksetna, thina raleichung kha heimathlung jo roh! Hiva mihei chunga lungset rôn hêrmak hei ning.

LUKE 23:46

Khava pha Jesu’n rasa inhnaktak a a-ôna, “Apa, nakut chunga karathla kapek che,” ati. Hi ahria kathi jo.

JOHN 14:3

Khana kavasea nangni sik hmun kavamantluk sō leh jōng inle sik eng khana ka-omna hmun a khan nan-omna sik kahnenga kaṭhōi sik jo chei.

ṬŌNTLOHEI 7:59

Khanga andenglai Stephen khan Rōngpu hneng, “O Rōngpu Jesu, karathla arahlâng pek roh!” tia leika-ông.

ṬONGPHÔNG 14:13

Khava sōa marvâna inphut rasa inkhat katheia ahri, “Hi mazet roh: Rōngpu ṭōn tlona shunga tuna inphut akathi mihei kha mikahōihei kae!” Khana Rathla khan amasôn, “Ôk, Kadik! Ajârchu anmani’n anṭōntlo kara anta’nloa, anṭōn inhnakna a inphut châm a’nhnga sik hei kae.”

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.