HLAHEI 48:1 - LEKHARABU INTHENG (BSI)

¹ Ni-Pathen khōpui kalen, atlâng intheng chunga khan, Rōngpu kha kalen khana inshângtak a choi manshâng sik kae.

HLAHEI 48:1 ပူးပေါင်းရင်းမြစ်များ

NEHEMIAH 9:5

Athōia Levihei hin Pathen kamukna sik a bekna anleinei hei: Jeshua, Kadmiel, Bani, Hashabneia, Sherebiah, Hodiah, Shebaniah khana Pethahiah hei seng. Anmani’n anti: “Ngir una Rōngpu nan-Pathen kha manpâk ruh; Ahei tik a, ahei tik chenna ama kha manpâk ruh! Mihring manpâkna hi pui atluk mak innum mi rakip in ama rahming kalûr kha manpâk hei rasoh.”

HLAHEI 145:3

Rōngpu chu kalen khana inshângpena choi ka-ân sik kae; alendân hi mihring tamanhret tor emak.

HLAHEI 147:5

Ni-Rōngpu kha akalen leh akahrat kae; asingna kha tetor emak.

HLAHEI 2:6

Ama’n ahri, “Katlâng intheng Zion chunga, kareng kha kaman ong jo,” ati.

HLAHEI 30:1

Rōngpu, kachoi ka-ân che ajârchu nang in nalei huksōt eng, khana ka’nrepuihei ê-jôna amannei mak hei che.

HLAHEI 42:1

Shakhi inkhat in tuilōngdai arangei kapōa, Eh Pathen, khang hrep khan karangei che.

HLAHEI 46:1

Pathen kha ni’nthupna leh nihratna kae, ahei tik a nikhōdengthei pha ani inthōpui sik a intluk ṭhak.

HLAHEI 46:4

Chunghnung ama inn inthenga khan, Pathen khōpuia khan inpâkna ajōng karôn tuidung inkhat ka-om.

HLAHEI 47:8

Pathen kha alen in-ongna inthenga khan in-ong, jât-hei chunga vai arôn.

HLAHEI 65:1

Eh Pathen, Ziona kantamanpâk sik che leh kan-intepna hui kanta mathlung sik hi akadik kae;

HLAHEI 78:68

Khava kahlânga ama’n Judah phung leh lungset aleirôn Zion Tlâng kha akadei jo hei.

HLAHEI 86:10

Nang chu kahrat che khana ṭōn inlak-hei natlosōt; nang rōk Pathen che kae.

HLAHEI 87:1

Rōngpu’n akhōpui kalen kha tlâng intheng chunga asak;

HLAHEI 87:3

Nachungchânga ṭong inralak ama’n ahri kha Pathen khōpui kalen rangei roh:

HLAHEI 96:4

Rōngpu chu kalen, inshângpena choi ka-ân sik kae; ama hi Pathen rakip hei nek a kaja sik kae.

HLAHEI 99:9

Ni-Rōngpu Pathen kha choi ka-ân ruh; khana ahmebung inthenga khan kamuk ruh! Ni-Rōngpu Pathen kha a’ntheng kae.

ISAIAH 27:13

Khava kani ahong tlung pha, Egypt ram a leh Assyria ram a Israel sahei rekahringa antakei hei seng bekmalena sik a Pengkun inkhat intum sik. Anmani kahong sik heia kha, ahmebung intheng Jerusalema Rōngpu kha ankamuk sik.

JEREMIAH 31:23

Chunghnung Rōngpu, Israelhei Pathen khan ahri, “Ke’n mihei kha anrama kaheiṭhōi male hei pha, Judah ram a leh ankhōpui heia, anmani’n, ‘Rōngpu’n Jerusalem hmebung intheng, a-omna hmun intheng kha mahâmṭhat pek rasoh,’ anti nôk sik.

OBADIAH 1:17

“Tâk-kha Zion Tlânga mi ṭhahrep chu katlânsōt sik hei, khavakha hmun intheng akachang sik kae. Antaneidôr kasōk ram kha Jacob mihe’n anlachen sik.

MICAH 4:1

Akahong sik kani heia Bek-inn ngirna tlâng kha tlâng rakip kâra a’nshângpen inkhat kachang sik. Jât katamtak hei khana khan hong katlân inhlut sik hei,

ZECHARIAH 8:3

Kakhōpui intheng, Jerusalema kei inle sik eng, khana khan ka-om sik eng. Hivahi taksenthei khōpui, Akahratpen Rōngpu hmebung, khana hmebung intheng tia inhret sik.

MATTHEW 24:15

“Sânkathem Daniel taleihri, ‘Ṭit ka-om tak Inrengna’ kha nanheihmu sik. Khava khan hmun inthenga hongkangir sik.” (Akatei hnenga ṭongmanthei: hiva tina hi manhret nger roh!)

HEBREWHEI 12:22

Khava kanek a nangni chu, akahring ṭhak Pathen omna khōpui Zion Tlâng, marvân Jerusalem, ngeva lishing raja omna khan akahong jo chei kae.

ṬONGPHÔNG 19:5

Khava sōa len in-ongna inphut rasa inkhat in ajōng hri, “Pathen kajana kanei asōk rakip leh ami rakip, kasin-kalen in, ni-Pathen manpâk ruh!”

ṬONGPHÔNG 21:2

Hmōinu inkhat apuise intō sik a, a’nret a a’ntlukdek kapōa Jerusalem ther, Khōpui Intheng kha marvâna Pathena inphut ajōng kaṭum kha ke’n kahmua kae.