HLAHEI 46:10 - LEKHARABU INTHENG (BSI)

¹⁰ Ama’n ati, “Retlo bâng ruh. Kei Pathen eng kae ti hi manhret ruh, jât-hei kâra torna kaneipen leh vânhnōia torna kaneipen eng kha kae.”

HLAHEI 46:10 ပူးပေါင်းရင်းမြစ်များ

RENGHEI INKHATNA 18:36

Sûnṭimsōa inthoina pha khan sânkathem Elijah’n maichâm kha ahei hnaia derna anei jo, “O Rōngpu Abraham, Isaac, Jacob Pathen, tûnhin kei Pathen nachangna leh kei nasōk kachangna khana nang ṭongpek a hihei rakip hi katlo kae ti hi jōng malâr jo roh.

RENGHEI INHNINA 19:12

Kapa-kapu he’n, Gozan, Haran, khana Rezeph khōpui anleisukset, Telassar a ka-om Betheden mi anleithat hei, an-pathen inkhatbek inum huk tor mak hei.

RENGHEI INHNINA 6:23

Khava jâra Israel rengpa’n anmani hei sik a sâklôm atlopek hei; ansâk an-insō leh Syria rengpa hneng atir male heia kae. Hivasō kahnunga chu Syria he’n Israelhei chunga re tlomak jo hei.

THUHMINGHEI INKHATNA 29:11

Nang chu akalenpen akahratpen, akalûr, ngam kanei leh kaja ka-om che kae. Marvân leh raleichunga neinâk heirakip nangta kae, heirakip chunga reng vaikarôn Chunghnung che kae.

HLAHEI 100:3

Rōngpu kha Pathen che kae tia hrisōt ruh. Ama’n asyem me khana atâ me kae; eini ama mi me kae, khana ama rup me kae.

HLAHEI 21:13

Rōngpu, narathahrat alen jâra kanmanpâk che! Naratha hratna kha hla vânga kansak a kanchoi ka-ân sik che.

HLAHEI 37:15

Tâk-kha anbinga anchemjâm vâng in athat sik hei, khana anthe ansai hei ansuk mathlek sik hei.

HLAHEI 57:5

Eh Pathen, nalenna kha marvâna, khana nalûrna kha raleichung rakip a malâr roh.

HLAHEI 83:18

Anmani’n nang rōk kha Rōngpu che kae, raleichung pumpuia ratha kaneipen vaikarôn che kae ti kha manhret hei rasoh.

SŌKSŌT 18:11

Rōngpu hi pathen rakip nek a kalen chet ti hi tûnchu ke’n kamanhret jo, ajârchu Israelhei hi Egypt mipui he’n hnōisetak a antlo hei pha hiva ṭōn hi ama’n aleitlo pek hei kae.”

ISAIAH 2:11

Mihring inlensakna manbângna leh racham kase manhmangna sik a kani inkhat kahong sik. Khava pha Rōngpu rōk kha choi manshâng sik kae.

ISAIAH 2:17

Mihring inlensakna kabâng sik, khana mihring êngsetna hei seng kha amanbōi sik. Limsyemhei hi akhenga inhmangsō sik, khava ning Rōngpu rōk kha choi manshâng sik kae.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 5:16

Tâk-kha Chunghnung Rōngpu’n akadik kha atloa alenna kha amalâr, khana amihei ṭong atanna a’nthengna kha amalâr.

JEREMIAH 49:35

Aman ahri, “Elam ratha hratna kapek, saikâp kathemhei seng kathatsō sik hei.

EZEKIEL 30:8

Egypt chunga ke’n hmei karo pha khana ama kahrung rakip anthisō pha, anmani’n kei Rōngpu eng kae tia anmanhret sik jo eng.

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

EZEKIEL 39:3

Khava pha leh akut changtinga achemjâm leh akut veitinga thesang kha kakanok mathlâk sik hei.

MICAH 4:3

Ama’n hmun akahla leh akahnaia ratha kaneihei kâra innâk-insena ṭong atanpek sik hei. Anchemjâm hei lângkôn lôngkhuma ankheng sik ankasei hei theikung bâk manhlingna chemcha a ankheng sik hei. Jât he’n rea sehêr mak hei ning, re tlona sik intluk hêrmak jo hei ning.

HABAKKUK 2:20

Rōngpu kha a Bek-inn inthenga ka-om; ama hmaikunga raleichunga mi rakip sip ti hei rasoh.

ZECHARIAH 2:13

Rōngpu hmaikunga mi rakip sip ti ruh, ajârchu ama kha a-omna hmun inthenga inphut kajōnga kae.

JOSHUA 11:6

Rōngpu’n Joshua hneng ati, “Anmani ṭitmak hei roh. Ajîng kania hiva phatak a hin anmani ankhenga Israelhei sik a kathatpet sik hei kae. Nangni’n anshakorhei ke nantuk mathlek pek sik hei khana anshakor gârihei hmeia nanro sik hei.”

JOSHUA 11:9

Rōngpu’n ṭong apek kapōa Joshua’n anhnenga aleitlo jo: ama’n anshakorhei anke antuk mathlek pek hei khana anshakor gârihei kha hmei aro pek hei.

SAMUEL INKHATNA 17:46

Tuningtak hin Rōngpu’n nang kei ratha neina thōia ada sik che kae; ke’n kator sik che khana nalu katan sik kae. Philisti remihei taksa kha va leh shahei tasâk sik a kapek sik hei. Khan chu Israel in Pathen anei ti hi vânhnōi in anhong manhret sik,

SAMUEL INKHATNA 2:4

Rekahrat remihei thepui kha ador thlek, tâk akatlasam amanhrat.