HLAHEI 45:7 - LEKHARABU INTHENG (BSI)

⁷ Nang in akadik kha namadu, akaṭhamak kha namater a kae. Khava jâra Pathen, na-Pathen in nang kha akadei che khana reng ralak-hei kanek a nachunga hōina ajōng bun mathlâk pek chea kae.

HLAHEI 45:7 ပူးပေါင်းရင်းမြစ်များ

RENGHEI INKHATNA 19:16

Nimshi sapa Jehu kha Israel reng sik a thai manthi roh, khana Abel Mehola a inphut Shaphat sapa Elisha kha nang kahlang kathlenga sânkathem kachang sik a thai manthi roh.

HLAHEI 101:8

Niram shunga akaṭhamak-hei kha ni khat ni khat a kasuk manram sik hei. Mikaṭhamak rakip hei kha Rōngpu khōpuia inphut kahnong sōt sik hei.

HLAHEI 11:7

Rōngpu chu akadik kae, ṭōn kaṭha hei kha amadu; akaṭha katlohei kha a-âng shunga ka-om sik hei.

HLAHEI 2:2

Anreng he’n andōi, khana anvaikarôn he’n inchun heia Rōngpu chunga leh ama takadeisōt rengpa chunga marûk a ṭōnhlam ansyem.

HLAHEI 21:6

Achunga namahâm ṭhatna kha ahei tik a ka-om, khana nang ompuina khan ama inpâkna kasip.

HLAHEI 33:5

Rōngpu’n akadik leh ṭong intlun kha amadu; alungsetna injônjet khan raleichung hi kasip sō.

HLAHEI 89:20

Ke’n kasōk David kha thai intheng kamanthia reng kamanchang jo.

HLAHEI 89:26

Ama’n kahnenga, “Nang kapa leh ka-Pathen che kae; kakasan leh kakahukpa che kae,” ati sik.

HLAHEI 99:4

Ratha kanei Reng, akadik kha namadu; Israelhei chunga ṭongdik naphunsōt; nang in akadik akaṭha kha nahong rôn sōt.

ISAIAH 11:4

Ama’n sara khōdeng katheihei ṭong kaṭha atan sik, khana inthōpui kase hei dikna kha ahrung pek sik hei. Ama ṭongpek kha mihei karâkna apek sik hei, khana mikaṭhamak kathi sik hei.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

LEVI-DÂN 8:12

Sahrik kha Aaron luchunga ajing asunthlōna mantheng sōtna anei jo.

MATTHEW 3:15

Tâk Jesu’n, “Tûnhin chu ahnōm pek hi roh, ajârchu hing’hin Pathen lungdo rakip eini’n pui nimathluk sik kasōk,” tia amasôn. Khava pha John kahnōm jo.

MATTHEW 7:23

Khava pha ke’n anhnenga, ‘Manhret hêrmak chei eng. Kahnenga inphut sesōt ruh, mikaṭhamak-hei!’ kati sik.

LUKE 13:27

Tâk-kha ama’n ati nôk sik, ‘Nangni khona inphut akahong chei mo manhret mak chei eng, sesōt ruh!’ ati sik.

LUKE 3:22

khana Rathla Intheng kha taksa kaneia vaṭhu kapōa jōng kaṭuma achunga kachu jo. Khana marvâna inphut rasa inkhat in, “Nang kasapa marittak che kae. Nachunga kamalung katlai,” ajōng tia kae.

JOHN 1:16

Ama, maritna kasip phet achangna inphut mahâmṭhatna inkhat bânna inkhat eini nikhenga apek me.

JOHN 20:17

Jesu’n amanu hneng, “Asit mak roh, ajârchu kei Pa hneng lasemak hi eng. Tâk-kha nang kasōpuihei hneng vase ina vahri pek hei roh, “Kapa khana an-Pa, ka-Pathen khana an Pathen hneng a’nle sik jo eng kae.”

JOHN 3:34

Pathen tahei tir mi khan Pathen ṭong kha ahri; ajârchu Pathen in ama chunga arathla kha pui katluk a apek.

ṬŌNTLOHEI 2:28

Hringna hlam namanthei jo eng, khana na-omna khan inpâkna amansipphet sik eng.’

ROMANHEI 8:29

Sapa kha sōpui katamtak kâra upapen achangna sik, Pathen talei kadeisōtsa hei kha Sapa kapōa anhong changna sik, ahlop a aṭhensōt heia kae.

EPHESIANHEI 1:3

Ni-Rōngpu Jesu Christa Pa leh Pathen kha eini’n manpâk rih! Ajârchu Christa leh ni’nchunna shunga hin, Pathen in marvân ram a rathla vângṭhat rakip kha apek mea mahâm kaṭha amanchang me.

HEBREWHEI 1:9

Nang in akadik namadu khana akadik mak nahōt. Khava jâra Pathen, na-Pathen in akadei che, khana akakhe chet kajana chenna leh hōina kha naloihei kanek a apeksa che.”

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

HEBREWHEI 7:26

Khava jâra nirangei anikapek inthluktor Thempu Kalen kha Jesu hi kae. Ama a’ntheng kae. Ama’n setna leh sukṭhena heite neimak; ama mikase heia inphut ahlop a dasōt a ka-om khana marvânhei chunga keitou kachang jo.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

SAMUEL INKHATNA 16:13

Samuel in olive thai kha aloa David kha a-uhei seng hmaikunga amanthi jo. Khava phatak a Rōngpu rathla khan David kha athlop manphut jo khana khava ninga inphut a-ompui jo. Khava sōa Samuel kha Rama a hong inle jo.