Kahnuk inhnat mihei, khōvel jât-hei re kasō sik a ke’n Assyria kha katir. Anmani mipuihei nei kachom sik, inru sik, leh hlamdunga ankachōn rachi sik a katirhei kae.”
Nangni kadōia kahnget sik chei, nangni torna sik a, nanka-en kada he’n nanchunga vai anrôn sik; khang hrep a kaṭi sik chei khachu tûte’n anhnongmak chei inum inpera katlân sik chei.
“Rōngpu’n nan-inrepuihei kha’m amantor sik chei. Ramkei inkhat a inphut re nantlo sik hei, tâk anhnenga inphut ramkei rakip a katlân sik chei, raleichunga mi rakip in nanhnenga akasōk kha anhmu pha ṭit-inpirna annei sik.
Hiva jâra hin Israel he’n an-inrepuihei kadōia ngir tor mak hei. Anmani anhnenga inphut hong inle hei ajârchu anmani kalalen hi suk manhmang sik a themmô manchen jo hei kae! Nangni’n inlomak ruh tia ṭong a’npek chei neinâk kha nansuk manhmang mak inchu nangni ke’nchu ompui mak chei ning!