HLAHEI 43:1 - LEKHARABU INTHENG (BSI)

¹ Eh Pathen, ṭhenakase kachang amalârpek roh, khana Pathen kaṭitmak heia inphut ahuk roh; mikaṭhamak-hei leh malei kasei heia inphut akatlensōt roh!

HLAHEI 43:1 ပူးပေါင်းရင်းမြစ်များ

SAMUEL INHNINA 15:31

Ahithophel in Absolom re mantlukna kha ajom jo ti ṭong kha David anhri pek jo pha, ama’n derna anei, “Rōngpu, lungsettak a Ahithophel mansena kha hnemna kase manchang pek roh!”

SAMUEL INHNINA 16:20

Khava sōa Absolom in Ahithophel hneng inhea ati, “Tûnchu hin ka-om jo me, heimo tlo sik a namanthei hnōm ung?”

SAMUEL INHNINA 18:8

Re intuk kha aram pumpui katlung jo, khana rehmun a a’nthat hei kanek a ratu shunga kathichet jo hei.

HLAHEI 140:5

Mi inlensak-hei khan kei anchâng ankamsan eng; anlen châng kha anmado, khana hlamdunga khan kei surna sik anchâng kha anda.

HLAHEI 26:1

Ṭhenakase inkhat a atei roh, O Rōngpu, ajârchu ke’n akadik kha katlo khana kaṭha nenga kataksen che.

HLAHEI 35:1

Rōngpu, kakadōi hei kha dōi hei roh, Re anikatuk hei kha tuk hei roh!

HLAHEI 35:24

O Rōngpu, nang chu kadik che, kei hi ṭhena kaneimak a amalâr roh; ka’nrepuihei khan kachunga ahnōise mak hei rasoh.

HLAHEI 5:6

Nang in malei kasei rakip nathat manram hei khana innâk-inse leh mikahōnhei nahōt hei.

HLAHEI 54:3

Mi inlensak-hei khan kei buhlu sik a kahong hei; khava Pathen heitea kasak mak, mi kakhôk hei khan kei that sik a intluk hei.

HLAHEI 7:7

achang jâra nakimvea aka-om mipuihei kha heiṭhōi manchun hei roh, mihei kha chungtinga inphut vai jōngrôn hei roh.

HLAHEI 7:8

Nang chu mihring jât pumpui ṭongkatan che kae. Kei lum alo ina ṭong tan roh, O Rōngpu, ajârchu kei hi ṭhenakase eng kae ti hi namanhret.

HLAHEI 7:9

Nang chu akadik Pathen inkhat che kae, keini mandonna leh maduna chunga ṭong tan roh, Akaṭhamak katlohei ṭhatmakna kha manbâng hei roh. khana mikaṭhahei kha inpâkman pek hei roh.

HLAHEI 71:4

Ka-Pathen, mikaṭhamak heia inphut, mi nun kasehei leh akaṭhamak-hei rathahrat a inphut, ahuksōt roh.

HLAHEI 75:7

Hiva ṭongkatan hi Pathen kae, mi ṭhahrep chu amandik hei khana ṭhahrep chu amaset hei.

ṬONGCHÎK-HEI 22:23

Rōngpu’n anmani sik a ṭong ahri sik khana anmani inṭhit hei kha ama’n amaṭhitpek sik hei.

ṬONGCHÎK-HEI 23:11

Rōngpu kha ratha kaneitak ankahrung kae, anṭong sōkna chunga nang kadōia a’nkhepui sik che.

MICAH 7:9

Keini Rōngpu kadōia setna kanleitlo jo, khava sik a tûnchu pha chomkhat sik a ahnuk natna kha kantade sik kae. Tâk-kha achaina ting chu ama’n keini ahrung sik ung khana kanchunga ṭhenahei kha amandikpek sik ung. Khōvâr hmun a aṭhōi sik ung, khana ama huksōtna kahmu theia kahring sik ung.

CORINTHIANHEI INKHATNA 4:4

Kei mandon ṭhen theina hi intheng, tâk khava khan kei ṭhena neimak eng tia manchênna chu changmak; Rōngpu kha kachunga ṭongkatan kha kae.

PETER INKHATNA 2:23

Mi’n inzakna anpek pha ama’n tûte manzak male mak, inrengna ade pha mi maṭhitna neimak, tâk ṭongtan kadikpa Pathen chunga inhōrṭhak a ka-om.

SAMUEL INKHATNA 24:15

Rōngpu’n ṭong atan sik, eini kâra tu mo akaṭhe me, ama’n ṭong amathlâk sik. Hiva ṭong kasōk hi ama’n ensin rasoh, ahrung rasoh, khana nanga inphut kei ahuk rasoh.”