HLAHEI 40:9 - LEKHARABU INTHENG (BSI)

⁹ Rōngpu, namihei seng ankhenga an-intûpna khan, nang in nahukna ung ṭong kaṭha kha ke’n kaleihri. Khava ṭong kha ke’n kahri ṭhak sik ti kha nang in namanhret.

HLAHEI 40:9 ပူးပေါင်းရင်းမြစ်များ

HLAHEI 119:13

Napek eng nadân rakip hei kha, inhnaktak a kahri malet sik hei.

HLAHEI 139:2

Katlohei rakip um nang in namanhretsō; kamandonna rakip hei kha’m kahlatak a inphut namanhret hei.

HLAHEI 22:22

Na’n naleitlo hei kha kamihei kamanthei sik hei; an-intûpna shunga nang kachoi ka-ân sik che.

HLAHEI 22:25

Nang in naleitlo ṭōnhei jâra mi katam intûpna hmun a khan kamanpâk sik che; na’nmuk hei hmaikunga kale’ntepna tōkna kha kapek sik che.

HLAHEI 35:18

Khava sōa ke’n namihei inkhômna shunga kamanpâk sik che. Anmani hmaikunga kachoi ka-ân sik che.

HLAHEI 37:31

An-Pathen dân kha anmalung shunga anvon ṭhak khana khavakha leh ahei tik a inthla mak hei.

JEREMIAH 31:33

Israel mihei leh intepna ther kaneipui sik jo hei khachu hi kae: Kadân kha anshunga kada sik khana anmalunga kamazet sik. Kei an-Pathen kachang sik eng, khana anmani kami kachang sik hei.

JOHN 21:17

Vōi 3 tlukna Jesu’n ahnenga, “John sapa Simon, kei nalungset eng mo?” ati. Peter kha amalung kadông jo ajârchu vōi 3, “Kei nalungset eng mo?” tia ader a kae. Khava jâra ama’n Jesu hneng, “Rōngpu, nang in heirakip namanhret; kei lungsetna che kha nang in namanhret a kae,” ati. Jesu’n ahnenga, “Kakemōnghei hrung hei roh!

HEBREWHEI 2:12

Ama’n Pathen hneng ahri: “Heimo natlo kha kamihei hneng kahri nger sik! An-intûpna shunga kachoi ka-ân nger sik che.”

JOSHUA 22:22

“Akahratpen Inkhat kha Pathen kae! Ama kha Rōngpu kae! Akahratpen Inkhat kha Pathen kae! Ama kha Rōngpu kae! Hivahi heisa mo kantatlo ama’n amanhret, nangni’m nantamanhret sik a kanmadu! Rōngpu dekna kantloa, taksena kha kannit mak inchu, keini kahringa adamak ruh!