HLAHEI 39:9 - LEKHARABU INTHENG (BSI)

⁹ Kei ka-om hnâm sik eng, ṭong hrimak ning, ajârchu nang in hing’hin inrengna namande enga kae.

HLAHEI 39:9 ပူးပေါင်းရင်းမြစ်များ

SAMUEL INHNINA 16:10

Reng in Abishai leh a-upa Joab hneng ati, “Hivahi nangni insalerna sik changmak. Rōngpu’n kei hâksêrna sik amanthei achang inchu heisa mo atlo tia derna ratha kha tu’n mo anei sik?”

JOB LEKHARABU 1:21

Ama’n ahri, “Kei karōksaia hong inte eng, karōksaia kathi sik eng. Rōngpu’n apek eng, khana tûn alosōt jo. Ama rahming kha manpâk a om rasoh!”

JOB LEKHARABU 2:10

Job in amasôn, “Nang in akae makjen nahri! Pathen in akaṭha hei kha apek me pha, inpâk a nirahlâng. Ama’n inrengna ahei tir pha, heisik a mo a’nphin sik me?” Job in inrengna heijalai aleide inum Pathen dōina ṭong heite leihri mak.

HLAHEI 38:13

Kei chu kōr kaset kapōa khō theimak jo eng; ṭongtheilo kapōa ṭonghri theimak jo eng.

DANIEL 4:35

Ama’n ralei mihei heite kaemak kapōa a-en hei; marvâna ngevahei leh raleia mihringhei ama ratha neina thōia ka-om hei. Tûte inkhat in ama lungtup chunga inrepui tor mak hei. a-emak leh ama ṭōntlo chunga ṭongder nei tor mak hei.

LEVI-DÂN 10:3

Khava pha Moses’n Aaron hnenga ahri, “Rōngpu’n hiva chungchânga aleihri kha hinga kae, ‘Kei inzen seng in ka’nthengna hi antakaja sik kae; kamipuihei hneng kalûrna kamalâr sik kae.’ ” Tâk-kha Aaron chu kadai hngera leika-om.

SAMUEL INKHATNA 3:18

Khava jâra Samuel in akhenga ahrisō pet jo; heite thup neimak jo. Eli’n ati, “Ama kha Rōngpu kae; ama’n kaṭha sik ati kha atlo sik kae.”