4 Rōngpu hnenga nahōina sik kha jong roh, khana namadu kha apek sik che.
Kha achang inchu Pathen kha nataksen ṭhak sik jo khana ama kha nang hōina kung kae tia namanhret sik jo.
Anhnenga apek hei hōina kha anleimadu sik a kae; ahnenga intanloa anleider sik a kae.
Pathen lungdo juina hin akaṭha heite heirônsōt mak ati.
Kahlasak a khan ama tlaina chang rasoh, ajârchu kei inpâkna hi ama a inphut kae.
Ama kajana kapek hei tarangei rakip apek hei; anṭap rasa athei pek hei khana ahuk hei.
Khava sōa, Eh Pathen, namaichâma kei kase sik eng; ajârchu kei hōina leh inpâkna hong inphutna kha nang che kae; Eh Pathen, ka-Pathen, kaserângdâr ka-ât a, namanpâkna hla kasak sik!
Mikadik he’n antamadu kha anchen, tâk mikaṭhamak he’n antaṭitpen kha anchen sik.
Ratu thingkâra theikhup thingkung kapōa, pase ralak-hei leh nitekâk inchu kalungdipa kha kachanga kae. Ama daihlim thōia in-ong sik kha kamadu, khana ama kara kha kamantama kathlum hêr.
khan chu nangni’n kei nanrazenna jâra inphut inpâkna akajōng kha nanrahlâng sik jo. Ke’n raleichung pumpuia mihei takaja sik a kasyem sik jo chei, khan chu nanpu Jacob hnenga kaleipek ram shunga kahōia ka-om sik jo chei. Rōngpu ke’n kahri jo kae.”
Nangni’n kei nantakadei eng changmak; nangni nanvase leh kara katamtak kasôttak a a’nra sik a, ke’n nangnijôk kakadei cheia kamanṭang chei kae. Khava jâra hei-achang inum kapa hneng karahminga nantader kha Pa khan apek sik chei.
Nangni keia nan-om ṭhak a, khana kaṭong nangni shunga a-omṭhak a achang inchu, hei-achang inum nangni’n nanta madu nantader kha nanchen sik.
Nangni’m ama nanhmu mak ravâng nanlungset, khana tûn ama nanhmu mak ravâng nantaksena kae, khava jâra hritheilo leoa kalen leh kalûrtak a inpâk chei,