HLAHEI 36:6 - LEKHARABU INTHENG (BSI)

⁶ Nadikna kha tlânghei kapōa inshânga ka-om, Naṭongtan dikna kha tui-ôngpui inthûk ka-ang. Mihring leh ranhringhei nang ensuina thōia ka-om hei.

HLAHEI 36:6 ပူးပေါင်းရင်းမြစ်များ

A’NPHUTNA 18:25

Akaṭhemak hei kha ṭhena kaneihei leh inṭhōia that mak hei tin chea kae. Khachu akae theimak kae. Khachu tlothei mak tin che. Khanga natlo’nchu ṭhena kaneimak hei kha ṭhena kaneihei leh inṭhōia karâkna pek sōmna kae sik jo. Khachu akae theimak kae. Raleichung pumpuia ṭong katanpa khan kadiktak a ṭōn atlo sik kasōk.”

NEHEMIAH 9:6

Khava sōa Israel mipui he’n hiva derna hi anleider: “Rōngpu nang, nang rōk Rōngpu che; marvâna ârsihei leh nang in marvânhei khana bōirōk a ârsihei nasyem hei. Nang in ralei leh tuipui khana ashunga aka-om rakip nasyem hei; nang in ankhenga hringna kha napek hei. Marvân ratha kanei he’n inkun heia nang ankamuk che.

JOB LEKHARABU 37:23

Pathen ratha hratna kha hingtuk kalen, ahnenga hnaitor mak me; ama chu akadik atlo khana einihei chunga aṭong tanna kha kadik.

JOB LEKHARABU 7:20

Kei ani kakhumpa, kasetna’n nang amantôn jo che mo? Heisik a mo kei hi inrepui inkhat a naman chang eng? Kei hi naphur rôn kahriktak akachang jo eng mo?

HLAHEI 145:9

Ama kha mi rakip hnenga kaṭha akutsyem rakip chunga lum alo hei.

HLAHEI 147:9

Ramshahei kha antasâk sik apek hei khana va-âkte kadông hei kha anpeng pha leh avei hei.

HLAHEI 31:20

Milak-hei hlōna ṭōnmantluk a inphut na-âng shunga anmani kahringa nathup hei; an-inrepuihei manzakna inphut inhukna hmun inkhat a anmani nathup hei.

HLAHEI 71:19

Pathen, nadikna khan bōirōk chunghei aphâk. Nang in ṭōn kalen natlosōt hei; nang kapō tûte om mak.

HLAHEI 77:19

Tuipui in-nông chunga kalôn che; tui-ôngpui inthûk narakan, tâk nakebi chu inhmu tor mak.

HLAHEI 92:5

Naṭōn tlohei kha heituk a akalenhei mo, Rōngpu! Namandonna hei kha heituk a a’nthuk hei mo!

HLAHEI 97:2

Sumtuk leh a’nthim in ama kha akakur khum; ama’n akadik leh ṭongtak a vai arôn.

SŌKSŌT 9:28

Rōngpu hneng aderpek ruh! Keini khō inri leh kahre’n adeng ung hi katluk set jo! Nangni sesōtna sik a kei intep eng; hiva hmun a omsôt mak jo tin chei,” ati.

ISAIAH 40:28

Manhret mak che mo? Theiphung mak che mo? Rōngpu kha kumleikōa Pathen kae, ama’n raleichung pumpui hi asyem kae. Ama ahei tik chen a châmmak, aratha tlasam mak. Tûte inkhatbek in amandona manhret mak.

ISAIAH 45:19

Ke’n marûk a ṭong hrimak eng, achangmak leh kamantlukna kha thup mak eng. Kei Israel mihe’n ramchi inhmangna shunga antajong sik eng kha madu mak eng. Kei Rōngpu eng kae, ke’n akadik kha kahri kae; akadik mi’n anmanhretna sik a katlo kae.”

JEREMIAH 12:1

“Rōngpu, kachunga ṭong kasōk hi nahnenga kahei rôn sōt inchu nang in akadik kha namanchên sik. Kha’num, ṭongdik chungchânga ṭong kader hi sik che. Heisa mo malung kaṭhamak he’n hingtuk hrep a akahao hei? Heijâra mo malung intheng mak he’n chung sōkna antanei tor?

ṬAJAISUINA 3:23

Jîngkâr kapōa kather, kani kasōk kapōa sôimak a kae.

JONAH 4:11

Kha achang inchu, Nineveh khōpui kalentak sik a heituk mo lungset katarôn sik kasōk. Hei-achang inum khava shunga khan khō inhret mak naipang 120,000 kakhea ka-om hei, ranhring katamtak um ka-omsa hei.”

ROMANHEI 11:33

Pathen nei leh haoje hi heituk a jo mo! Asingna leh amanhretna hi heituk a’nthuk mo! Ama ṭong mathlâkna tu’n mo ahri manchên tor sik? Tu mo ama hlam inhret tor sik?

ROMANHEI 3:25

Mi’n ama antaksen jâra, athisen vânga mihringhei set rangei mandam theina achangna sik, Pathen in ama aleitōksōt jo. Ama kadik ti kha manhmuna sik Pathen in hi atlo kae. Hmalai khan chu Pathen in mihei setna kha inhmu hlemsak a aleidesôt a kae; tâk tûnlai chu adikna kha manhmuna sik a ansetnahei kha a-enmansin jo. Hing’hin ama abingkhet a akadik kae khan chu mi rakip Jesu kataksenhei kha amandik jo hei ti kha Pathen in amalâr.

DÂNRABU INHNINA 32:4

“Rōngpu kha ratha kanei nankahrung kae, Atlona rakip a pui katluk leh akadik kae; Nan-Pathen chu taksenthei leh akadik kae; akadik leh akaṭha kha atlo.

DÂNRABU INHNINA 7:9

Rōngpu nan-Pathen hi ama rōk Pathen kae khana taksenthei kae ti hi mandonsōt ruh. Ama inlungset leh aṭongpek kajuihei chunga khang lishing katlunga a’ntepna ajuia alungsetna amalâra kae,

TIMOTHY INKHATNA 4:10

Eini rahnak a inṭang me khana ṭōn rahnak a nitlo, ajârchu mi rakip kahuk inhring achung chôna akataksenhei kahuk inhring, akahring ṭhak Pathen chunga inhōrna kha nineia kae,

SAMUEL INKHATNA 14:15

Khō leh vena aka-om Philisti rakip ṭit inper jo hei; rephōr shunga ka-om re kasōhei khana remi seng kha anṭit reia innok jo hei; ralei innok jo, ṭit-inpirna kalentak kasōk jo.