HLAHEI 34:14 - LEKHARABU INTHENG (BSI)

¹⁴ Ṭōn kaṭhamak tlona inphut inhesōt ina akaṭha kha tlo roh; intōk incham neina sik nator chen a tak tlo roh.

HLAHEI 34:14 ပူးပေါင်းရင်းမြစ်များ

JOB LEKHARABU 28:28

Pathen in mihringhei hneng ahri, “Singna sik, Rōngpu kajana nantanei sik kae. Manhret theina sik, ṭhatmak kha nantadahlon sik kae,” ati.

HLAHEI 120:7

Inchamna ṭong kahri pha, anmani’n re tlona sik intluk hei.

HLAHEI 37:27

Akaṭhamak a inphut nahmai mahe ina khana ṭōn kaṭha tlo roh; khana nansa nante he’n ram a khan ahei tik a ka-om sik hei.

HLAHEI 39:2

Kei ṭong inkhatbek hriloa sip katia ka-om eng, heikhat akaṭha chungchânga kapha’m hrisōt loa ka-om eng! Tâk-kha kakhōdengthei khachu hong kakhôk chet-chet a kae.

ṬONGCHÎK-HEI 13:14

Mikasinghei mantheina khachu hringna tuiripût kapō hei kae; hringkhōa inrengna natlâk pha, khahei khan pesōtna sik anbôm sik che.

ṬONGCHÎK-HEI 3:7

Nasingna kakhea kasing eng tia mandon mak roh, Rōngpu ṭong kha jui hnâm roh; akadik mak tlo sik hnōm mak roh.

ṬONGCHÎK-HEI 4:24

Akadik mak hrikhâk mak roh. Maleisei leh mi akalet a ṭhōina ṭōn tlokhâk mak roh.

ṬONGCHÎK-HEI 8:13

Rōngpu kajana nei hi akaṭhamak materna kha kae; êngkase leh mi inlensak, akaṭhamak omchen leh ṭong kadikmak kamater.

MATTHEW 5:9

“Intōk inchamna katlohei kha anmahâm kaṭha; Pathen in asahei ati sik hei!

ṬŌNTLOHEI 10:38

Nangni’n Nazareth Jesu chungchâng khana heikhong mo achunga Pathen in Rathla Intheng leh ratha neina aheibun mathlâk pek ti hi’m nanmanhret jo. Hmun rakip a ama kasea ṭōn kaṭha aleitlo khana Seitan ratha neina thōia ka-om rakip aleimandam hei, ajârchu ama kha Pathen in aleiompui.

ROMANHEI 12:18

Mi rakip leh intōk inchama omtheina sik heirakip nantor chenna tlo ruh.

ROMANHEI 12:9

Lungsetna kha pui katluk a malung intheng chang rasoh. Akadik mak mater ruh, akaṭha kha matutlit ruh.

ROMANHEI 14:17

Heijâra mo niti’nchu, Pathen rengram kha sâk leh in langting khan changmak, tâk Rathla Intheng tapek dikna, intōk inchamna, inpâkna hei hi kae.

ROMANHEI 14:19

Khava jâra inkhat leh inkhat inbômtōa ratha ngarna leh intōk inchamna ahei karôn sōt neinâk-hei kha chenna sik ahei tik a niradin nger sik kae.

CORINTHIANHEI INHNINA 13:11

Khana tûnchu sōpuihei, chibei kapek chei! Pui tlukna sik tak intlo ruh; kahri hi rangei ruh; inkhat leh inkhat intōk ruh; khan chu malung kamōnga om ruh. Khana Pathen lungsetna leh lung mōngna khan ompui chei rasoh.

GALATIANHEI 6:10

Khava jâra pha nineilai hin, injônjet a mi rakip hneng akaṭha kha tlo rih, adek a taksenna shunga, ni-innshung mihei hneng tlodet rih.

THESSALONIANHEI INKHATNA 4:11

Hma inkeia kanta leihripek chei kapōa, hringkhō kaṭha nenga omna sik, nanṭōn et a insaler una hringna sik mandon ruh.

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

HEBREWHEI 12:14

Mi rakip leh intōk inchamna sik leh hringkhō inthenga omna sik tak intlo ruh, ajârchu khava loa chu tûte’n Rōngpu kha hmutor mak ning.

HEBREWHEI 13:16

Khat leh khat inbômtōa ṭōn kaṭha tlo sik mahngi mak ruh; ajârchu Pathen malung tlaina sik inthoina kha hi kae.

PETER INKHATNA 3:11

Anmani ṭhatmak a inphut a’nhesōt sik hei khana akaṭha antatlo sik kae; anmani anmalung pumpui vâng intōk inchamna antatlo nger sik kae.

JOHN INTHUMNA 1:11

Kasōpui marit, akaṭhamak kha inchu mak roh, tâk akaṭha kha inchu roh. Tu achang inum akaṭha katlo kha Pathen ta kae; tu achang inum akaṭhamak katlo khan Pathen lahmu mak.