HLAHEI 33:3 - LEKHARABU INTHENG (BSI)

³ Ahnenga hlather kha sak ruh serângdâr kahōitak a karôt una inpâk a ông ruh!

HLAHEI 33:3 ပူးပေါင်းရင်းမြစ်များ

THUHMINGHEI INKHATNA 13:8

khava pha khan David leh amipuihei chu Pathen kajana, antor chenna kalâm hei. Anmani hla ansak a mahring kanei anmanhring – serângdâr, khōng, sumkutben leh pengkunhei.

THUHMINGHEI INKHATNA 15:22

Chenaniah kha manhringna ting athem jâra Levihei hlasakna ka-ensuia ankadei.

THUHMINGHEI INKHATNA 25:7

Hiva mi 24 hei hi akathemtak rōk hei kae; khana anloi Levi he’m manchuna annei hei. Anmani kha ankhenga 288 hei kae.

THUHMINGHEI INHNINA 34:12

Khava ṭōnkatlo mihei kha anmalung intheng hêr. Anmani kha Levi 4 he’n an-ensui hei: Merari phungṭhena Jahath leh Obadiah, khana Kohath phungṭhena Zechariah leh Meshullam. (Levihei kha hlasakna akathem rōk hei kae.)

HLAHEI 144:9

Nahnenga hlather kasak sik, Eh Pathen; kaserângdâr kamandei sik a kha nahnenga hla kasak sik.

HLAHEI 149:1

Rōngpu kha choi ka-ân ruh! Rōngpu hneng hlather kha sak ruh; taksen ka-om amipuihei intûpna khan ama kha choi ka-ân ruh!

HLAHEI 40:3

Ama’n hlather inkhat sak sik a amanthei eng, ni-Pathen manpâkna sik hla inkhat kae. Hiva kahmu mi katamtak in gîkna inkhat a anlo sik anmani’n Rōngpu kha antaksen sik.

HLAHEI 40:4

Rōngpu kataksen, limting a’nhemak, khana Pathen kadikmak hei inmukmak hei kha mikahōihei kae.

HLAHEI 96:1

Rōngpu hnenga hlather kha sak ruh! Vânhnōi in Rōngpu hneng sak ruh!

HLAHEI 98:1

Rōngpu hneng hlather kha sak ruh; ama’n ṭōn inlak-hei atlosōt jo! Abinga arathahrat leh a’nthengna vâng khan torna kha achen jo.

ISAIAH 42:10

Rōngpu hneng hlather inkhat sak ruh; ama manpâkna hla raleichung rakip in sak ruh! Tuipuia rakōng katôrhei ama kha manpâk ruh! Tuipui chunga ranhring rakip in ama manpâk ruh! Ram kahla hei leh ashunga ka-om seng in hla sak ruh!

EPHESIANHEI 5:19

Kamukna hla, manpâkna hla, khana hla intheng ṭong vânga khat leh khat inbek ruh; nanmalung shunga manpâkna hla leh inṭhōia Rōngpu hneng choi ka-ânna hla leh kamukna hla sak ruh.

COLOSSIANHEI 3:16

Christa ṭong kha aṭhatna rakip leh nanmalung shunga aka-om sik kae. Khat leh khat singna rakip vâng inse intheitō ruh. Inpâk hla, bek hla, hla intheng hei sak ruh; nanmalunga Pathen manpâk leh inṭhōia hla sak ruh.

ṬONGPHÔNG 14:3

Mipui 144,000 hei kha len in-ongna leh ranhring 4 hei khana upahei hma a kangir hei; khana upahei kha’n antasak thei hlather inkhat anleisak. Anmani rōk kha huksōt sahei kae.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.