HLAHEI 33:13 - LEKHARABU INTHENG (BSI)

¹³ Rōngpu’n marvâna inphut ajōng ensuk a mihring nikhenga ahmu sōpet me.

HLAHEI 33:13 ပူးပေါင်းရင်းမြစ်များ

A’NPHUTNA 6:12

Pathen in vânhnōi raleichung hi a-ena ṭhatmak kasip kha ahmu jo, ajârchu mihring he’n akaṭhamak hringkhōa leika-om hei.

THUHMINGHEI INHNINA 16:9

Pathen in vânhnōi pumpui a-en ṭhak, ahnenga malungtak a aṭong kajuihei kha rathahrat pekna sik a atlo. Nang chu kamotak a ṭōn natlosōt jo, khava jâra tûnna inphut chu re rōk nathōk sik jo kae.”

JOB LEKHARABU 11:11

Pathen in hnemna kasehei kha tuhei mo ti amanhret, anṭōntlo kaṭhamak rakip ahmu sō.

JOB LEKHARABU 28:24

Ajârchu ama’n ralei inchaina kha ahmu, Chungvân thōia heirakip ahmu sō.

HLAHEI 102:19

Rōngpu’n ahmun intheng inshânga inphut a ajōng ensuk, marvâna inphut raleichung ajōng en.

HLAHEI 11:4

Rōngpu kha abek-inn intheng shunga ka-om; marvân chunga alen in-ongna anei. Ama’n hmuntina mihei a-ensui hei khana anmani’n heimo antatlo amanhret.

HLAHEI 14:2

Rōngpu’n mikasinghei, ama inmuk mihei aka-om nâk hei mo tia marvâna inphut mihring ajōng ensuk heia kae.

HLAHEI 53:2

Mikasing inkhatbek a-om inchu, ama inmuk inkhatbek a-om inchu khava hmusōtna sik a marvâna inphut Pathen in ajōng en.

HLAHEI 66:7

Aratha neina vâng khan ahei tik chen a vai arôn khana jât-hei chunga a-en mathlip hei. Ama kadōia re katuk ngir sōt mak hei rasoh.

ṬONGCHÎK-HEI 15:3

Hmun rakip a heimo kasōk Rōngpu’n amanhret; akaṭha leh akase nitlona chunga ama’n a-ensui ṭhak me.

ṬAJAISUINA 3:50

Rōngpu’n marvâna inphut ahong ena ahmu mak me kârseng.

HEBREWHEI 4:13

Pathen hnenga a’nthup tor sik heite om mak; akutsyem rakip ahmai kunga inlârpet a inhlangsō pet a ka-om. Khana eini nibing et tintana kha Pathen hneng nilapek nger hi sik kae.