HLAHEI 33:11 - LEKHARABU INTHENG (BSI)

¹¹ Tâk-kha ama ṭōnmantluk hei khachu ahei tik a ka-om ṭhak; khana amanṭhatna kha kumleikōa sik kae.

HLAHEI 33:11 ပူးပေါင်းရင်းမြစ်များ

RENGHEI INHNINA 19:25

“Hivahei seng hi hmalaia inphut kaleimantluk jo kae ti hi theiphung mak che mo? Tûnhin khavakha katlosōt kae. Ke’n nang khōpui kalen kur kahnet hei kha sukkhōi heia akabōk manbuk kapō manchangna sik a ratha kapek che kae.

JOB LEKHARABU 23:13

Ama chu inthlengtik neimak. Tûte inkhat in ama kha dōi tor mak khana atatlo hnōm kha thingtor mak hei.

HLAHEI 92:5

Naṭōn tlohei kha heituk a akalenhei mo, Rōngpu! Namandonna hei kha heituk a a’nthuk hei mo!

ṬONGCHÎK-HEI 19:21

Mihe’n ṭōnmantluk hingja anneithei, tâk Rōngpu lungdo rōk kha antatlosōt sik kae.

MI INTHEIPA 3:14

Pathen ṭōntlo rakip hi ahei tik chenna ka-om ṭhak sik ti hi kamanhret. Nangni’n hiva chunga heite dasa theimak tin chei, achangmak leh losōt theimak tin chei. Khana Pathen in atlosōt inkhat khachu ama kajana eini nikangir sik kha kae.

ISAIAH 14:24

Akahrat Rōngpu’n intepna anei: “Ke’n kamantluk kha heikasōk sik. Ke’n tlo sik a kamandon kha intlosōt sik.

ISAIAH 14:27

Akahrat Rōngpu’n hivahi tlo sik a amandon jo; ama’n karâkna pekna sik a abân arazit jo, tûte’n tingtor mak ning.

ISAIAH 46:10

A’nphutbia inphut ahong kasōk sik kha kalei hridek; tenlai khan ahong kasōk sik kha kahri masadek. Kaṭōn mantluk hei kha sôihêr mak ning, khana tlo sik a kamandon hei seng kha katlosōt sik tia kaleihri.

JEREMIAH 29:11

Nangni sik a kei mantlukna, inrengna sik changloa khangsōtna sik ṭōnmantluk khana hnunga sik nan-inhōrna mantlukna hei kha kei rōk in kamanhret.

ṬAJAISUINA 3:37

Pha rakip a Rōngpu lungdo rōk kha a’ntloṭhak kae.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

MICAH 4:12

Tâk-kha hiva jât-hei hin Rōngpu malung kha manhret mak hei. Hmuchi kara saphōra vōk mathlâk sik a manbuk jo kapōa anmani kha karâkna pek sik a khôm mantûp jo hei kae ti kha anmani’n manhret mak hei.

ṬŌNTLOHEI 15:18

Hmalaia inphut manhretna anikapek Rōngpu’n hinga ati.’

EPHESIANHEI 1:11

Ajârchu Pathen in amandon leh aṭōn mantluk dungjuia heirakip hi atlo kae; akungbia inphut Pathen in aleimandonsa chunga khan, amantlukna dungjuia Christa leh inchunna shunga ami kachang sik a aleikadei jo me kae.