HLAHEI 31:19 - LEKHARABU INTHENG (BSI)

¹⁹ Nang kajana kaneihei sik a nadapek neinâk-hei kha heituk-hrep a a’nlak jo hei mo! Mi rakip in heituk-hrep a akaṭha che mo, nang kataksenhei kha heituk kakhôk a nahrung hei mo ti hi anmanhret.

HLAHEI 31:19 ပူးပေါင်းရင်းမြစ်များ

HLAHEI 12:5

Rōngpu’n ati, “Tâk-kha, tûn kei kajōng sik eng ajârchu akatlasam hei kha ansuk manrim jo hei tlo manrima aka-om hei annat ande hla a inkōi jo hei. Antarangei inhrungna kha kapek sik jo hei.”

HLAHEI 16:11

Nang in hringna ram tinga akase hlam kha namanhmu sik eng; nang omna khan kei inpâkna amansip eng, khana ahei tik a inpâkna kha ahei rôn pek eng.

HLAHEI 23:5

Ka’nrepui he’n anhmu theina sik eng hmun a revei sâktlâng namantluk pek eng. Nang in kaja sik rahōi kasōk khōhme inkhat kapōa naratō eng, kakōklei inlet-leoa nasun mansip pek eng.

HLAHEI 68:28

Eh Pathen, keini hei kahlanga naleihmang narathahrat kha malâr roh

HLAHEI 73:1

Pathen hi Israelhei sik, malung intheng hei sik a akaṭhatak kha kae.

ISAIAH 26:12

Rōngpu, nang in keini khangsōtna napek sik ung; keini chen heirakip hi nang ṭōntlo kara kae.

ISAIAH 35:10

Anmani Jerusalema inpâktak a katlung sik hei, Inpâk pum a hla ansak a ka-ông sik hei. Anmani ahei tik a kahōi sik jo hei, ahei tik chenna malung inrengna leh Khōdeng theina inphut masōsōt akachang jo hei kae.

ISAIAH 64:4

Nang chunga inhōrna kanei mihei hnenga khang khava ṭōn katlosōt, nang kapō Pathen chu tûte inkhat in hmuphung mak, thei um lathei phungmak.

MIJAHEI 23:23

Israel phung leh jât-hei dōina sik a, Hmitphedôi leh dôi ṭong inhmang mak. Tûnchu mihe’n Israelhei chunga hinga anti sik, ‘Enruh Pathen in heimo atlo jo!’

JOHN 3:21

Achang ravâng akadik katlo mi kha tu achang inum Pathen ṭong juina ṭōn atlo kae ti a’nlârsōt theina sik vâra khan kahong hei.

ṬŌNTLOHEI 15:12

Pathen in Jât-hlop hei chunga det-hla leh ṭōn-inlak Paul leh Barnabas heia inphut atlona thangkōi kha anthei pha a’ntûp ankhenga kadai hnger jo hei.

ROMANHEI 11:22

Hinahin eini’n Pathen kha heituk a lungsetna anei khana heituk a kakhôk mo ti nihmusōt a kae. A’npai inthlûk hei chunga khôk sakna anei; tâk nangni alungsetna shunga nan-om ṭhak inchu, alungset ṭhak sik chei. Tâk-kha khanga achangmak inchu, nangni’m amathlek sik cheia kae.

CORINTHIANHEI INKHATNA 2:9

Achang inum ṭong intheng in ahri: “Tûte inkhat tahmu phungmak leh tathei phung hêrmak, tûte inkhat in kasōk sik tia amandon phungmak, khavatak kha, Pathen in ama inlungset hei sik a amantluk pek heia kae.”

CORINTHIANHEI INHNINA 5:5

Hiva kan-inthlengna sik intluk hi Pathen kha kae, khana ama’n keini sik a karōi bukna manchênna sik arathla kha apek ung.

HEBREWHEI 10:34

Kurkhum a ka-om hei kha chen nanneipui hei, nannei rakip ankasut jo chei pha inpâk a nandetor, ajârchu ahei tik a aka-omsôt sik akaṭhachet heikhat nantalanei kha nan-inhret a kae.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.